ଜୟପୁର: କୋରାପୁଟ ଜିଲ୍ଲା ଜୟପୁର ସଦରଥାନା ଅର୍ନ୍ତଗତ ବ୍ରାହ୍ମଣୀଗାଁରେ ଜୈନେକା ଯୁବତୀଙ୍କୁ ଜୟପୁର ଜୟନଗର ଅଞ୍ଚଳର ତରୁଣ କୁଳଦୀପ ଓ ଝିଙ୍କରଗୁଡାର ସୋନୁ ଜାନୀ ଅସଭ୍ୟ ଭାଷାରେ କମେଣ୍ଟ ମାରିଥିଲେ। ଏହା ପରେ ତାଙ୍କ ଭାଇ ପଚାରିବାକୁ ଯିବାରେ ତାଙ୍କୁ ସଂଘବଦ୍ଧ ଭାବେ ୨୦ଜଣ ଆକ୍ରମଣ କରିଥିଲେ। ଏଥିରେ ଭାଇ ଗୁରୁତର ହୋଇ ପଡିଥିଲେ। ଏହି ମାମଲା‌ରେ ପୁଲିସ ୪ଜଣ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତମାନେ ହେଲେ ତରୁଣ କୁଳଦୀପ, ଜଗା ନାୟକ, ସୁରେନ୍ଦ୍ର ପରଜା, ହରିହର ପରଜା। ଏ ନେଇ ମହିଳା ଜଣକ ଜୟପୁର ସଦରଥାନାରେ ଏତଲା ଦେଇଥିଲେ। ପୁଲିସ ମାମଲାର ତଦନ୍ତ କରି ଜୟନଗରର ତରୁଣ, ଝିଙ୍କରଗୁଡା ଜଗା, ସୁରେନ୍ଦ୍ର ଓ ହରିଙ୍କୁ ଗିରଫ କରି କୋର୍ଟକୁ ଚାଲାଣ କରିଥିବା ସୂଚନା ମିଳିଛି।