ଖାରି: ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥର ସୁବର୍ଣ୍ଣପୁର ଜିଲ୍ଲା ବଡ଼ବାହାଲି ଛକଠାରେ ଶୁକ୍ରବାର ଭୋର୍‌ରେ ବସ୍‌ ଓ କାର୍‌ ମଧ୍ୟରେ ମୁହାଁମୁହିଁ ଧକ୍କା ହେବାରୁ ୪ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଜଣେ ଗୁରୁତର ଆହତ ଥିବା ସୂଚନା ମିଳିଛି। ପ୍ରକାଶ ଯେ ଭୋର୍‌ରୁ ଶତପଥୀ ନାମକ ନାଇଟକୋଚ ବସ୍‌ (ଓଆର୍‌ ୦୩ ଜି ୧୨୯୨) ଭୁବନେଶ୍ବରରୁ ବଲାଙ୍ଗୀର ଯାଉଥିଲା। ଏହି ସମୟରେ ପଟରୁ ଆସୁଥିବା କାର୍‌ (ଓଡି ୩୧-୬୦୯୯) ସହ ଉକ୍ତ ବସ୍‌ର ମୁହାଁମୁହିଁ ଧକ୍କା ହୋଇଥିଲା।

Advertisment

ଫଳରେ କାର୍‌ରେ ଥିବା ଚାରିଜଣ ଯାତ୍ରୀ ଆହତ ହୋଇଥିଲେ। ଘଟଣାସ୍ଥଳରେ ସ୍ଥାନୀୟ ଓଡ଼ିଶା ଡ୍ରାଇଭର ମହାସଂଘର ସଦସ୍ୟମାନେ ପହଞ୍ଚି ଆହତ ମାନଙ୍କୁ ୧୦୮ ଆମ୍ବୁଲାନ୍ସ ଯୋଗେ ସୋନପୁର ହସ୍ପିଟାଲକୁ ପଠାଇଥିଲେ। ସେଠାରେ ଜଣଙ୍କର ଅବସ୍ଥା ସଂକଟାପନ୍ନ ଥିବାରୁ ଡାକ୍ତର ତାଙ୍କୁ ବୁର୍ଲା ସ୍ଥାନାନ୍ତର କରିଥିଲେ। ଘଟଣାସ୍ଥଳରେ ତରଭା ପୁଲିସ ପହଞ୍ଚି  ତଦନ୍ତ ଜାରି ରଖିଛି।