ନିଆଁ ଲାଗି ଚାରି ବଖରା ପାଉଁଶ
ପାପଡାହାଣ୍ଡି: ନବରଙ୍ଗପୁର ଜିଲ୍ଲା ପାପଡାହାଣ୍ଡି ପଞ୍ଚାୟତ ଅନ୍ତର୍ଗତ ତଣ୍ଡାଗୁଡା ଗ୍ରାମର ତୁଲାରାମ ଅମନ୍ୟାତଙ୍କ ଘରେ ନିଆଁ ଲାଗି ଚାରି ବଖରା ପାଉଁଶ ହୋଇଯାଇଛି। ସୂଚନା ଅନୁଯାଇ ତୁଲାରାମ ଆଜି କୁଳିମଜୁରୀ କରିବାକୁ ଯାଇଥିଲେ । ଏହି ସମୟରେ ତୁଲାରାମଙ୍କ ସ୍ତ୍ରୀ ଘରେ ରୋଷେଇ କରି ନିଜ ୩ ସନ୍ତାନକୁ ଖାଇବା ପାଇଁ ଖୋଜିବାକୁ ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ସକାଳ ୧୦ ଘଣ୍ଟା ସମୟରେ କୌଣସି କାରଣରୁ ଘରେ ନିଆଁ ଲାଗି ଯାଇଥିଲା। ନିଆଁ ଲାଗିବା ଜାଣିବା ପରେ ସାହି ପଡିଶା ଆୟତ୍ତ କରିବାକୁ ଉଦ୍ୟମ କରିବା ସହିତ ଅଗ୍ନିଶମ ବିଭାଗକୁ ଖବର ଦେଇଥିଲେ । ତୁରନ୍ତ ଅଗ୍ନିଶମ ବିଭାଗର କର୍ମଚାରୀ ଘଟଣାସ୍ଥଳକୁ ପହଞ୍ଚି ନିଆଁ ଆୟତ୍ତ କରିଥିଲେ। କିନ୍ତୁ ଇତି ମଧ୍ୟରେ ତୁଲାରାମଙ୍କ ଚାରି ବଖରା ଘର ସଂପୂର୍ଣ୍ଣ ଭାବେ ପୋଡ଼ିଯାଇଥିଲା । ଘର ଭିତରେ ଥିବା ୧ କୁଇଣ୍ଟାଲ ଚାଉଳ, ବାସନ ଓ ଅନ୍ୟ ସାମଗ୍ରୀ ପୋଡ଼ି ପାଉଁଶ ହୋଇଯାଇଥିଲା । ଅଗ୍ନିକାଣ୍ଡରେ ସର୍ବସ୍ୱାନ୍ତ ହେବା ପରେ ପରିବାର କିଭଳି ଚଳିବ ସେନେଇ ତୁଲାରାମ ଚିନ୍ତାରେ ପଡିଛନ୍ତି । କାରଣ କୁଳିମଜୁରୀ କରି ଯାହା ରୋଜଗାର ହୁଏ ସେଥିରେ ପରିବାର ଚଳିଥାଏ । ଏଭଳି ଏକ ଅତ୍ୟନ୍ତ ଗରିବ ପରିବାରକୁ ଶୀଘ୍ର ପ୍ରଶାସନ ତରଫରୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି ।