୪ ଦେଶୀ ମଦ ବେପାରୀ ଗିରଫ, ସ୍କୁଟି ସହ ୧୪୦ ଲିଟର ଦେଶୀ ମଦ ଜବତ

ରାଉରକେଲା: ଦେଶୀ ମଦ କାରବାର ଉପରେ ଅବକାରୀ ପୁଲିସ ଚଢ଼ଉ ଜାରି ରଖିଛି। ଆଜି ଓ ଗତକାଲି ବିଳମ୍ବିତ ରାତିରେ ରାଉରକେଲା ସମେତ ଲାଠିକଟା ଅଞ୍ଚଳରେ ବ୍ୟାପକ ଚଢ଼ଉ କରାଯାଇଥିଲା। ଚଢ଼ଉବେଳେ ଦେଶୀ ମଦ ଚୋରାଚାଲାଣ କରୁଥିବାବେଳେ ୪ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତମାନେ ହେଉଛନ୍ତି ଜିଆବାହାଲର ସୁଶାନ୍ତ ବାଗ, ଗୋପବନ୍ଧୁପଲ୍ଲୀର ଲଳିତ ଧଳ, ଲୋକବରକାନୀର ଝାଲ୍‌ କୁଜୁର ଓ ମନକୋର ଗୁଣ୍ଡାଲା ଏକ୍କା। ଏମାନଙ୍କ ପାଖରୁ ୧୪୦ ଲିଟର ଦେଶୀ ମଦ ସହ ମଦ ଚୋରାଚାଲାଣରେ ବ୍ୟବହୃତ ଏକ ସ୍କୁଟି( ଓଡି-୧୪-ଟି-୫୯୫୩) ଜବତ ହୋଇଛି। ଅବକାରୀ ଇନ୍ସପେକ୍ଟର ସ୍ନେହଲତା ନାୟକଙ୍କ ନେତୃତ୍ବରେ ଅନୁଷ୍ଠିତ ଚଢ଼ଉରେ ବିଭାଗର ଅନ୍ୟ ଅଧିକାରୀ, ଅବକାରୀ ମୋବାଇଲ ସ୍କ୍ବାର୍ଡ କର୍ମଚାରୀ ସାମିଲ ଥିଲେ।

ସମ୍ବନ୍ଧିତ ଖବର