ଉଦଳା: ମୟୂରଭଂଜ ଜିଲ୍ଲା ଉଦଳା ଏନଏସି ମଧ୍ୟରେ ବାରିପଦା ଜେଲର ୱାର୍ଡ ବୟ ମନୋଜ କୁମାର କୁଅଁର (୩୭) ନିଶାସକ୍ତ ଅବସ୍ଥାରେ ଉନ୍ମତ୍ତ କାଣ୍ଡ କରିଛନ୍ତି । ଆଜି ସଂଧ୍ୟା ପ୍ରାୟ ୭ଟାରେ ଉଦଳା ଥାନା ଗାଡ଼ିଟି ପେଟ୍ରୋଲିଂ ପାଇଁ ବୁଲୁଥିବା ବେଳେ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଗବେଷଣା କେନ୍ଦ୍ର ସମ୍ମୁଖରେ ୪ ଜଣ ଯୁବକ ମାସ୍କ ବ୍ୟବହାର ନକରି ଛିଡ଼ା ହୋଇଥିବାରୁ କାର୍ଯ୍ୟରତ ଥିବା ଏସଆଇ ଶଶୀଭୂଷଣ ପରିଡ଼ା ସେମାନଙ୍କୁ ତାଗିଦ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ସେଠାରେ ନିଶାସକ୍ତ ଅବସ୍ଥାରେ ଉପସ୍ଥିତ ମନୋଜ କାର୍ଯ୍ୟରତ ଥିବା ଶ୍ରୀ ପରିଡ଼ାଙ୍କୁ ଦୁର୍ବ୍ୟବହାର ପ୍ରଦର୍ଶନ କରିବା ସହିତ ଠେଲାପେଲା କରିଥିଲେ । ଅନ୍ୟ ପୁଲିସ କର୍ମଚାରୀମାନେ ସେଠାରେ ପହଂଚିବା ସହିତ ମନୋଜକୁ ଗାଡ଼ିରେ ବସାଇବାକୁ ଉଦ୍ୟମ କରିବା ବେଳେ ନାକେଦମ ହୋଇପଡ଼ିଥିଲେ । ଶେଷରେ ପୁଲିସ ମନୋଜକୁ ନେଇ ଥାନାରେ ପଚରାଉଚରା କରୁଛି ।