ଗଜଲକ୍ଷ୍ମୀ ପୂଜା ନିମନ୍ତେ ଶୁଭଖୁଣ୍ଟି ସ୍ଥାପନ

ଭଞ୍ଜନଗର: ଭଞ୍ଜନଗର ବଡ଼ଧୋବା ସାହିଠାରେ ଆସନ୍ତା ଗଜଲକ୍ଷ୍ମୀ ପୂଜା ନିମନ୍ତେ ଶୁଭଖୁଣ୍ଟି ସ୍ଥାପନ ହୋଇଛି। ଆସନ୍ତା ଅକ୍ଟୋବର ୯ ତାରିଖ ଠାରୁ ପୂଜା ଆରମ୍ଭ ହେବାକୁ ଥିବା ବେଳେ ଆଜି ଶୁଭାରମ୍ଭ ହୋଇଛି। ଏଥିରେ ଜ୍ଞାନ ମହାପାତ୍ର ପୁରୋଧା ଭାବେ ପୂଜା କାର୍ଯ୍ୟ ସମାପନ କରିଥିବା ବେଳେ ନଗରପାଳ ଗୋପବନ୍ଧୁ ମହାପାତ୍ର ଅତିଥି ଭାବେ ଯୋଗ ଦେଇଥିଲେ।

ଏଥିସହ ଚଳିତ ବର୍ଷ ପୂଜାକୁ ୮ ବର୍ଷ ପୂର୍ତ୍ତି ହୋଇଥିବାବେଳେ ଚଳିତବର୍ଷ କଟକଣା ନଥିବାରୁ ଧୁମଧାମରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରିବା ନେଇ ଯୋଜନା ରହିଥିବା କମିଟି ପକ୍ଷରୁ କୁହାଯାଇଛି। ଏଥିରେ ଶିବରାମ ଜେନା,ପି.ଅନୀଲ କୁମାର ରାଓ,ସରୋଜ କୁମାର ପାତ୍ର,ସଞ୍ଚୟ କୁମାର ବେହେରା,ଶରତ ମହାନ୍ତି,ଆର୍ଶିବାଦ ମହାନ୍ତି,ଶରତ ବେହେରା,ଲିଙ୍ଗରାଜ ବେହେରାଙ୍କ ସମେତ ବହୁ ସଦସ୍ୟ ଓ ମହିଳା ସାମିଲ ହୋଇଥିଲେ।