ଜୁଆ ଖେଳାଉଥିବା ଦୁଇ ଅଭିଯୁକ୍ତ ଗିରଫ

ପାଟଣାଗଡ଼: ପାଟଣାଗଡ଼ ବ୍ଲକ୍‌ ପଣ୍ଡାମୁଣ୍ଡାରେ ଘୁଡୁଘୁଡୁ ପଟ୍ଟି ପକାଇ ଜୁଆ ଖେଳାଉଥିବା ଅଭିଯୋଗରେ ୨ଜଣଙ୍କୁ ପୁଲିସ ଗିରଫ କରିଛି। ଅଭିଯୁକ୍ତ ଦ୍ବୟ ହେଲେ କନ୍ଦର୍ପ ମେହେର ଓ ମୋହନ ମେହେର। ସୂଚନା ଅନୁଯାୟୀ, ପାଟଣାଗଡ଼ ବ୍ଲକ୍‌ ଅଞ୍ଚଳର ବିଭିନ୍ନ ଗାଁରେ ଘୁଡୁଘୁଡୁପଟ୍ଟି ଖେଳ ଚାଲିଥିବା ଅଭିଯୋଗ ହେଉଥିଲା।

ଏନେଇ ‘ସମ୍ବାଦ’ରେ ପ୍ରକାଶ ପାଇବା ପରେ ପୁଲିସ ତତ୍ପର ହୋଇଥିଲା। ପାଟଣାଗଡ଼ ପୁଲିସ କେସ୍‌ ନଂ ୧୨୧ ରୁଜୁ କରି ଘଟଣାର ତଦନ୍ତ କରୁଥିଲା। ଗୁରୁବାର ପଣ୍ଡାମୁଣ୍ଡାରେ ଘୁଡୁଘୁଡୁପଟ୍ଟି ପକାଇ ଜୁଆ ଖେଳ କରାଉଥିବା ଅଭିଯୋଗରେ କନ୍ଦର୍ପ ଓ ମୋହନଙ୍କୁ ଗିରଫ କରିଥିଲା। ସେମାନଙ୍କ ନିକଟରୁ ଘୁଡୁଘୁଡୁପଟ୍ଟି, ଏକ ଟୋକେଇ ଓ ୪୫୦ ଟଙ୍କା ଜବତ କରିଛି। ସେମାନଙ୍କୁ ଶୁକ୍ରବାର କୋର୍ଟଚାଲାଣ କରାଯିବ ବୋଲି ଥାନାଧିକାରୀ ଅନନ୍ତ ପଧାନ କହିଛନ୍ତି।