କେନ୍ଦୁଝର: ଯାତ୍ରା ଦେଖିଯାଇଥିବା ଜୁଆଙ୍ଗ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ
କେନ୍ଦୁଝର: ଯାତ୍ରା ଦେଖିଯାଇଥିବା ଜଣେ ଜୁଆଙ୍ଗ ସଂପ୍ରଦାୟର ଯୁବତୀଙ୍କୁ ଗୁରୁବାର ରାତି ଦୁଷ୍କର୍ମ କରାଯାଇଥିବା ଶୁକ୍ରବାର ଥାନାରେ ଅଭିଯୋଗ ହୋଇଛି। ରିପୋର୍ଟ ଅନୁସାରେ କେନ୍ଦୁଝର ଜିଲ୍ଲାର ତେଲକୋଇ ଅଂଚଳରେ ଜଣେ ଯୁବତୀ ଗୁୁରୁବାର ନିକଟ ଗାଁରେ ହେଉଥିବା ଯାତ୍ରା ଦେଖିବାକୁ ଯାଇଥିଲେ। ଯୁବତୀଙ୍କୁ କିଛି ଯୁବକ ଅନୁସରଣ କରୁଥିଲେ। ପୂର୍ବ ଯୋଜନା ଅନୁସାରେ ୫ ଜଣ ଯୁବକ ସୁଯୋଗ ଦେଖି ଯୁବତୀଙ୍କୁ ଉଠାଇ ନେଇ ଏକ ନିର୍ଦ୍ଦିଷ୍ଟ ସ୍ଥାନରେ ଗଣଦୁଷ୍କର୍ମ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଯୁବତୀଙ୍କୁ ଦୁଷ୍କର୍ମ କରିବା ପରେ ଅଭିଯୁକ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଘଟଣାର ଶିକାର ହେବା ପରେ ଯୁବତୀ ଘରେ ଆସି କହିବାରୁ ଥାନାରେ ଅଭିଯୋଗ ହୋଇଛି। ଅଭିଯୋଗରେ ଯୁବତୀ କହିଛନ୍ତି, ୫ ଜଣ ଅଭିଯୁକ୍ତଙ୍କ ମଧ୍ୟରେ ଜଣକୁ ସେ ଚିହ୍ନିଛନ୍ତି। ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି।