ଚଢେଇଧରା: ଯାଜପୁର ଜିଲ୍ଲା ଧର୍ମଶାଳା ତହସିଲ ଅଧୀନ ଲୁଣିବାର ମୌଜାରେ ଥିବା ଗଙ୍ଗେଇ ଡ଼ୁବୁରୀ କଳାପଥର ପାହାଡ଼ରେ ଜିଲ୍ଲା ପ୍ରଶାସନର ଏକ ୩ ଜଣିଆ ଟିମ ପହଞ୍ଚି ସୈରତ ଠାରୁ ନିକଟସ୍ଥ ଜନବସତିର ଦୂରତା ବିଷୟରେ ତଦନ୍ତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଚଢ଼େଇଧରା ଗ୍ରାମର ଦିଲ୍ଲୀପ କୁମାର ବିଶ୍ୱାଳ ଏହି କଳାପଥର ପାହାଡ଼ରେ ବ୍ଳାଷ୍ଟିଙ୍ଗ ଯୋଗୁଁ ବାସଗୃହ କ୍ଷତି ଗ୍ରସ୍ତ ହେବା ଓ ନୂତନ ଭାବେ ନିର୍ମିତ ଘରେ ଫାଟ ସୃଷ୍ଟି ହେବା, ପରିବେଶ ପ୍ରଦୂଷଣ ହେବା ଓ ବେଆଇନ ଭାବେ ଅତ୍ୟଧିକ ଖନନ ଦ୍ୱାରା ସରକାର ରାଜସ୍ୱ ହରାଉଥିବା ଅଭିଯୋଗ କରି ହାଇକୋର୍ଟରେ ମାମଲା ରୁଜୁ କରିଥିଲେ l ଗତ ଅକ୍ଟୋବର ୧୦ତାରିଖରେ ହାଇକୋର୍ଟ ମାମଲାର ବିଚାର କରି ୬ ସପ୍ତାହ ମଧ୍ୟରେ ବେଆଇନ ଖନନ ଓ ଅଭିଯୋଗକାରୀଙ୍କ ଅଭିଯୋଗ ଉପରେ ତଦନ୍ତ କରି ରିପୋର୍ଟ ଦେବାକୁ ଜିଲ୍ଲା ପ୍ରଶାସନକୁ ନିର୍ଦେଶ ଦେଇଥିଲେ l
ଯାଜପୁର ଜିଲ୍ଲାପାଳଙ୍କ ଦ୍ୱାରା ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳ, କଳିଙ୍ଗନଗର ପ୍ରଦୂଷଣ ବୋର୍ଡ ଅଧିକାରୀ ପ୍ରମୋଦ ବେହେରା ଓ ଜିଓଲଜିଷ୍ଟ ସନ୍ତୋଷୀ ସେଠିଙ୍କୁ ନେଇ ଗଠିତ ଟିମ ସୈରତ ଗସ୍ତ କରିଛନ୍ତି l ତଦନ୍ତ ରିପୋର୍ଟ ଜିଲ୍ଲାପାଳଙ୍କୁ ଦିଆଯିବ ବୋଲି ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳ କହିଛନ୍ତି l