ରାୟଗଡା: ରାୟଗଡ଼ା ଜିଲ୍ଲାରେ ମଧ୍ୟ ଗଞ୍ଜେଇ କାରବାର ଜୋରସୋରରେ ଚାଲିଛି। ଗଞ୍ଜେଇ ମାଫିଆ ମାନେ ପ୍ରତିଦିନ ନୂଆ ନୁଆ ଫର୍ମୁଲା ଆପଣେଇ ଗଞ୍ଜେଇ ପାର କରିବାରେ ସଫଳ ହେଉଛନ୍ତି। ମାଫିଆ ଡାଳେ ଡାଳେ ଗଲେ ପୁଲିସ ପତରେ ପତରେ ଯାଉଛି। ଏଭଳି ଏକ ଘଟଣା ଦେଖିବାକୁ ମିଳିଛି ପଦ୍ନପୁର ପୁଲିସ ଥାନା ଅଞ୍ଚଳରେ ଆନ୍ଧ୍ରପ୍ରଦେଶର ରାଜମେଣ୍ଡରିରୁ ଏକ ଟ୍ରକ ରବର ବ୍ୟାଣ୍ଡଲ ଧରି ବାହାରିଥିଲା। ଗଜପତି ଜିଲ୍ଲାର ଅଡବା ଠାରେ ଗଞ୍ଜେଇ ରବର ବ୍ୟାଣ୍ଡ ମଧ୍ୟରେ ରଖି ପଞ୍ଜାବକୁ ଚାଲାଣ କରାଯାଉଥିଲା। ପଦ୍ମପୁର ପୁଲିସ ବିଶେଷ ସୂତ୍ରରୁ ଖବର ପାଇ ଗତକାଲି ଡୁମୁଲାପଦର ନିକଟସ୍ଥ ୩୨୬ ଜାତୀୟ ରାଜପଥ ଉପରେ ପେଟ୍ରୋଲିଂ କରୁଥିଲେ।

Advertisment

publive-image Sambad

ଟ୍ରକ ନମ୍ବର ପିବି-୧୧ବିୟୁ-୮୭୩୨ ନମ୍ବର ବିହୀନ ଗାଡି ଆସିବା ପରେ ତାକୁ ଅଟକାଇ ଯାଞ୍ଚ କରିବା ପରେ ସେଥିରେ ୧୬ ପ୍ୟାକେଟ ଗଞ୍ଜେଇ ରହିଥିବା ପୁଲିସ ଦେଖିବାକୁ ପାଇଥିଲା। ଏହି ୧୬ ପ୍ୟାକେଟରେ ୪୦୦ କିଲୋ ଗଞ୍ଜେଇ ରହିଥିବା ଜଣାପଡିଥିଲା। ତୁରନ୍ତ ଟ୍ରାକର ଡ୍ରାଇଭର ଏବଂ ହେଲପରକୁକ ପୁଲିସ ଗିରଫ କରିଥିଲା।ଏମାନେ ହେଲେ ଡ୍ରାଇଭରର ବାହାଦୁର ସିଂହ ଏବଂ ହେଲପର ବଲରାଜ ସିଂହ। ଏମାନଙ୍କ ଘର ପଞ୍ଜାବର ଫତେପୁର ଜିଲ୍ଲାରେ। ଜବତ ଗଞ୍ଜେଇର ମୂଲ୍ୟ ୪୦ ଲକ୍ଷ ଟଙ୍କା ହେବ ବୋଲି ପୁଲିସ ପକ୍ଷରୁ କୁହାଯାଇଛି। ପଦ୍ମପୁର ପୁଲିସ ଏନଡିପିଏସ କେସ ରୁଜୁ କରି ୨ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି।