ବାଣ ତିଆରି ବେଳେ ହେଲା ବିସ୍ଫୋରଣ, ଚାଲିଗଲା ଜୀବନ

ଖଲିକୋଟ: ଗଞ୍ଜାମ ଜିଲ୍ଲା ଖଲିକୋଟରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା। ବାଣ ତିଆରି ବେଳେ ଏକ ବଡ଼ ଧରଣର ଅଘଟଣ ଘଟିଯାଇଛି। ଖଲ୍ଲିକୋଟ ଅରବିନ୍ଦ ନଗରରେ ବାଣ ତିଆରି ବେଳେ ବିସ୍ଫେରଣ ହୋଇ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତକ ଜଣକ ଜିତେନ୍ଦ୍ର ପାହାନ ବୋଲି ଜଣାପଡିଛି । ନିଜ ଘର ଛାତ ଉପରେ ବାଣ ତିଆରି ବେଳେ ଅଘଟଣା ଘଟିଛି ।

ପ୍ରତିବର୍ଷ ଦୀପାବଳିରେ ସଚେତନ ରହି ବାଣ ଫୁଟାଇବାକୁ ଏବଂ ବାଣ ତିଆରି କରିବାକୁ କୁହା ଯାଇଥାଏ। ତଥାପି ଲୋକଙ୍କ ଅସାବଧାନତା ହେତୁ ଅନେକ ସମୟ‌ରେ ଅଘଟଣ ଘଟେ। ଚଳିତଥର ମଧ୍ୟ ସମାନ ଘଟଣା ସାମ୍ନାକୁ ଆସିଛି । ବାଣ ତିଆରି ବେଳେ ଦୁର୍ଘଟଣା ଘଟିବାକୁ ଜଣଙ୍କ ଜୀବନ ଚାଲିଯାଇଛି ।