ଜମିଜମା ବିବାଦରୁ ଆକ୍ରମଣ: ୪ ଗିରଫ
ବେଲଗୁଣ୍ଠା : ଜମିଜମା ବିବାଦରୁ ପ୍ରଦୀପ ଜେନା ନାମକ ଜଣେ ଯୁବକଙ୍କୁ ଆକ୍ରମଣ ମାମଲାରେ ବେଲଗୁଣ୍ଠା ଫାଣ୍ଡି ପୁଲିସ ଆଜି ୪ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫମାନେ ହେଲେ ତନରଡ଼ା ଗ୍ରାମର ଜଗବନ୍ଧୁ ଜେନା, ଟୁଲୁ ଜେନା, ନୀଳମାଧବ ଜେନା ଓ ରାକେଶ କୁମାର ପ୍ରଧାନ। ଏନେଇ ବେଲଗୁଣ୍ଠା ଫାଣ୍ଡିରେ କେସ ନମ୍ବର ୪୩୦ ଅନୁସାରେ ମାମଲା ରୁଜୁ ପରେ ସମସ୍ତଙ୍କୁ ଗିରଫ କରାଯାଇଥିବା ନେଇ ଫାଣ୍ଡି ଅଧିକାରୀ ସବ୍ୟସାଚ୍ଚୀ ମଲ୍ଲ ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାନୁସାରେ, ତନରଡ଼ାର ପୂର୍ବତନ ସରପଞ୍ଚ ଲୋଚନ ଜେନା ଓ ଗ୍ରାମର ୨ ପରିବାର ସହ ଜମିଜମା ବିବାଦ ଲାଗି ରହିଥିଲା। ଆଜି ସନ୍ଧ୍ୟା ପ୍ରାୟ ସାଢେ ୭ଟାରେ ଲୋଚନଙ୍କ ପୁଅ ପ୍ରଦୀପ ଗ୍ରାମ ଛକରେ ଛିଡ଼ା ହୋଇଥିବା ଜଗବନ୍ଧୁ, ଟୁଲୁ, ନୀଳମାଧବ ଓ ରାକେଶ ତାଙ୍କୁ ମରଣାନ୍ତକ ଆକ୍ରମଣ କରିଥିଲେ। ଏନେଇ ଲୋଚନ ବେଲଗୁଣ୍ଠା ଫାଣ୍ଡିରେ ଏତଲା ଦେବା ପରେ ପୁଲିସ ୪ ଅଭିଯୁକ୍ତଙ୍କୁ ଗିରଫ କରିଛି।