ଜୟପୁର: ଜୟପୁର ସଦର ଓ ଟାଉନ୍ ପୁଲିସ ପକ୍ଷରୁ ସୋମବାର ୩ଜଣ ଅପରାଧୀକୁ ଗିରଫ କରାଯାଇଛି। ଏହି ତିନିଜଣ ଅପରାଧୀ ମଧ୍ୟରୁ ଜଣେ ଗୋପବନ୍ଧୁ ନଗରରେ ବସବାସ କରୁଥିବା କାମୁଲୁ ନାଗଙ୍କ ପୁଅ କାଳୁ ନାଗ୍ ଓରଫ ହରି ବନ୍ଧୁ ନାଗ ୧୮ଟି ବଡବଡ଼ ଡକାୟତି, ଚୋରି ଓ ହତ୍ୟା ଘଟଣାରେ ସାମିଲ ଥିବା ଜଣାପଡ଼ିଛି। କାଲୁ ୨୦୧୨ ମସିହାରୁ ବିଭିନ୍ନ ପ୍ରକାର ଅପରାଧି ମାମଲାରେ ଲିପ୍ତ ଥିଲା ପୁଲିସ ପକ୍ଷରୁ ପ୍ରକାଶ। କାଳୁ ନାମରେ ଜୟପୁର ଟାଉନ୍ରେ ୫ଟି ମାମଲା ଓ ଜୟପୁର ସଦର ପୁଲିସ ଷ୍ଟେସନ୍ରେ ଗୋଟିଏ ମାମଲା ରୁଜୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ଜୟପୁର ପୁଲିସ ସୋମବାର ସକାଳେ ଅନ୍ୟ ଦୁଇଜଣ ବଡ଼ ଲୁଟେରାକୁ ଗିରଫ କରିଛି। ଏଇ ଦୁଇ ଡକାୟତ ଗତ ୨୦.୧୧.୨୦୧୭ ତାରିଖ ରାତିରେ ସିନ୍ଧିଗାଁରୁ ଜଣେ ଶ୍ରମିକଙ୍କୁ ବନ୍ଧୁକ ଓ ଛୁରୀ ଦେଖାଇ ମୋବାଇଲ ଫୋନ୍ ଓ ୧୦ହଜାର ଟଙ୍କା ଲୁଟି ନେଇଥିଲେ। ତେବେ ଟାଙ୍ଗୀ ଅଞ୍ଚଳରେ ରହୁଥିବା ଗୁଡୁୁ ଚରଣ ତିରିଆ ପୁଲିସ ଷ୍ଟେସନ୍ରେ ଏହି ମାମଲା ରୁଜୁ କରିଥିଲେ। ପୁଲିସ ଏହି ଲୁଟେରାଙ୍କ ଠାରୁ ଛୁରୀ, ଦୁଇଟି ମୋବାଇଲ ଫୋନ୍ ଓ ଗୋଟିଏ ହିରୋହଣ୍ଡା ମୋଟରସାଇକେଲ ଜବତ କରିଛି । ଦୁଇ ଲୁଟେରାଙ୍କ ନାମ ମଧ୍ୟ ଧନପତି ନାଗ୍ ଓରଫ ବୁନ୍ଦୁ (୨୫)ଙ୍କ ଘର ସୌରାଗୁଡ଼ା ଓ ବୁୁଲୁ ବାଗ୍(୨୮)ଙ୍କ ଘର ନନ୍ଦଗୁଡ଼ା ବୋଲି ଜଣାପଡ଼ିଛି।