ଗଞ୍ଜାମ: ଚୋରା ପିଡିଏସ୍ ସାମଗ୍ରୀ ଜବତ କଲା ପୁଲିସ୍, ୨ ଭାଇ ଗିରଫ
ଗଞ୍ଜାମ: ଗଞ୍ଜାମ ଜିଲ୍ଲାର ତାରାସିଂ ଥାନା ଗାୟାଗଣ୍ଡା ଗାଁର ଜଣେ ବ୍ୟକ୍ତିଙ୍କ ଗୋଦାମ ଘରେ ଚଢ଼ାଉ କରି ବିପୁଳ ପରିମାଣର ପିଡ଼ିଏସ ସାମଗ୍ରୀ ଜବତ କରିଛି ତାରାସିଂ ପୁଲିସ । ୨୦ କ୍ୱିଂଟାଲ ଚାଉଲ, ୨ କ୍ୱିଂଟାଲ ଗହମ ଗଛିତ ଥିବା ବେଳେ ପୁଲିସ୍ ଚଢ଼ଉ କରି ଏହି ସବୁ ପିଡିଏସ ସାମଗ୍ରୀକୁ ଜବତ କରିଛି । ଜବତ ପିଡିଏସ ସାମଗ୍ରୀର ଆନୁମାନିକ ମୂଲ୍ୟ ୬୦ ହଜାର ଟଙ୍କା ହେବ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
କମ୍ ମୂଲ୍ୟରେ ଲୋକଙ୍କଠାରୁ ପିଡ଼ିଏସ ସାମଗ୍ରୀ କିଣି ଏହାକୁ ପୁଣି ଥରେ ପ୍ୟାକିଂ କରି ଅଧିକ ଟଙ୍କାରେ ବିକ୍ରି କରାଯାଉଥିଲା ବୋଲି ଅଭିଯୋଗ ହୋଇଛି । ଏନେଇ ପୁଲିସ୍ ସୂଚନା ପାଇବା ପରେ ଚଢାଉ କରି ଗଛିତ ସାମଗ୍ରୀ ଜବତ କରି ଏଥିରେ ସମ୍ପୃକ୍ତ ଥିବା ଦୁଇ ଭାଇଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଦ୍ବୟ ହେଲେ ଏ.ସନ୍ତୋଷ କୁମାର ପାତ୍ର ଓ ବାଉରୀ ପାତ୍ର । ଏମାନେ ଦୀର୍ଘ ଦିନ ହେଲା ଚୋରାରେ ପିଡିଏସ ସାମଗ୍ରୀ ବନାଉଥିଲେ ବୋଲି ଅଭିଯୋଗ ହୋଇଛି।