ବ୍ରହ୍ମପୁର: ଗଞ୍ଜାମ ଜିଲ୍ଲାର ଛତ୍ରପୁର ଉପକାରାଗାରରୁ ଜଣେ ବିଚାରାଧୀନ କଏଦୀ ଚମ୍ପଟ ମାରିଥିବା ଘଟଣା ଚାଞ୍ଚଲ୍ୟ ଖେଳାଇ ଦେଇଛି। ମିଳିଥିବା ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ କବିରାଜ ବେହେରା ନାମକ ଜଣେ ବିଚାରାଧୀନ କଏଦୀ ଛତ୍ରପୁର ଉପକାରାଗାରରୁ ଚମ୍ପଟ ମାରିଛି। କବିରାଜ ବେହେରାର ଘର ପୁରୁଷୋତ୍ତମପୁର ଥାନା ଅନ୍ତର୍ଗତ ସୁନାଥର ଗାଁରେ ବୋଲି ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ସେ ଏକ ଦୁଷ୍କର୍ମ ଅଭିଯୋଗରେ ଗିରଫ ହୋଇ ଗତ ବର୍ଷ ଡିସେମ୍ବର ମାସରୁ ଛତ୍ରପୁର ଉପକାରାଗାରରେ ରହୁଥିଲା। ତେବେ ସେ କିପରି ଚମ୍ପଟ ମାରିବାରେ ସକ୍ଷମ ହେଲା ତାକୁନେଇ ଖୋଳତାଡ଼ ଆରମ୍ଭ ହୋଇଛି। ଏଣେ ଉପକାରାଗାରର କର୍ମଚାରୀମାନେ ପୁଲିସର ସହାୟତାରେ ଚମ୍ପଟ ମାରିଥିବା କବିରାଜ ବେହେରାକୁ ଧରିବା ଲାଗି ଜୋରସୋରରେ ଉଦ୍ୟମ ଜାରି ରଖିଛନ୍ତି। ଏବେ ଛତ୍ରପୁର ଉପକାରାଗାରରେ ଜେଲ ଡିଆଇଜି ରଘୁନାଥ ମାଝି ପହଞ୍ଚିଥିବାର ସୂଚନା ମିଳିଛି।