ରଙ୍ଗେଇଲୁଣ୍ଡା: ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଜଳିଗଲା ବସ୍, ଜୀବନ୍ତ ଦଗ୍ଧ ହେଲେ ଯାତ୍ରୀ । ଗଞ୍ଜାମ ରଙ୍ଗେଇଲୁଣ୍ଡା ବ୍ଲକରେ ଘଟିଛି ବଡ଼ ଧରଣର ଦୁର୍ଘଟଣା । ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଜଳିଯାଇଛି ଏକ ଯାତ୍ରୀବାହୀ ବସ୍ । ଏହି ଦୁର୍ଘଟଣାରେ ୯ ଜଣଙ୍କର ମୃତ୍ୟୁ ହୋଇଥିବା ବେଳେ ୨୫ଜଣ ଗୁରୁତର ଥିବା ସୂଚନା ରହିଛି । ୨ରୁ ୩ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ସେମାନଙ୍କୁ କଟକ ସ୍ଥାନାନ୍ତର କରାଯାଉଛି । ଦୁର୍ଘଟଣାସ୍ଥଳରେ ୮ଜଣଙ୍କ ମୃତ୍ୟୁ ହୋଇଥିବା ବେଳେ ହସ୍ପିଟାଲ ନେବା ବାଟରେ ଆଉଜଣଙ୍କର ଜୀବନ ଯାଇଛି। ଘଟଣା ସ୍ଥଳରେ ପୁଲିସ ଓ ଅଗ୍ନିଶମ ବିଭାଗ ପହଂଚି ସ୍ଥାନୀୟ ଲୋକଙ୍କ ସାହାର୍ଯ୍ୟରେ ବସ୍ ଭିତରୁ ଯାତ୍ରୀଙ୍କୁ ଉଦ୍ଧାର କରିଥିଲେ । ଉଦ୍ଧାର କାର୍ଯ୍ୟରେ ୧୦ରୁ ଅଧିକ ଆମ୍ବୁଲାନ୍ସ ନିୟୋଜିତ ଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ନିର୍ବନ୍ଧ ପାଇଁ ‘ସିଲ୍କସିଟି’ ବସରେ ବରପକ୍ଷର ୪୩ ଜଣ ଯାତ୍ରୀଙ୍କୁ ନେଇ କନ୍ୟାପକ୍ଷର ଘର ଅଭିମୁଖେ ଯାଉଥିଲା ବସଟି । ମେନ୍ଦ୍ରାଜପୁରଠାରେ ଘଟିଥିଲା ଦୁର୍ଘଟଣା । ରାସ୍ତା ଉପରେ ଯାଇଥିବା ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ବସରେ କଂରେଟ ଲାଗିଥିଲା । ଫଳରେ ଏତେ ବଡ଼ ଦୁର୍ଘଟଣା ଘଟିଥିଲା। ମୃତକଙ୍କ ମଧ୍ୟରେ ୬ଜଣ ମହିଳା, ୩ଜଣ ପୁରୁଷ ଥିବା ନେଇ ସୂଚନା ରହିଛି । ବ୍ରହ୍ମପୁର ଏମକେସିଜି ମେଡ଼ିକାଲରେ ଗଂଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ, ବିଧାୟକ ବିକ୍ରମ କେଶରୀ ଆରୁଖ ପହଂଚି ଗୁରୁତରଙ୍କ ଚିକିତ୍ସା ବ୍ୟବସ୍ଥାର ତଦାରଖ କରିଛନ୍ତି ।
କମ୍ ଉଚ୍ଚତାରେ ଥିଲା ବିଦ୍ୟୁତ ତାର
ଅନ୍ୟପଟେ ବ୍ରହ୍ମପୁର ମେନ୍ଦ୍ରାଜପୁରରେ ବସରେ କରେଂଟ ଲାଗି ମୃତ୍ୟୁ ଘଟଣାର ତଦନ୍ତ କରିଛି ସାଉଥକୋ । ଯାଂଚ ପରେ ଜଣାପଡିଛି କି, ଦୁର୍ଘଟଣା ଘଟିଥିବା ସ୍ଥାନରେ ତଥା ଉକ୍ତ ଅଂଚଳରେ ନିୟମଠାରୁ କମ୍ ଉଚ୍ଚତାରେ ରହିଥିଲା ୧୧ କେଭି ବିଦ୍ୟୁତ ତାର । କାରଣ ନିୟମ ଅନୁସାରେ, ୬.୧ ମିଟର ଉଚ୍ଚରେ ବିଦ୍ୟୁତ ତାର ରହିବ କଥା କିନ୍ତୁ ଏଠାରେ ମାଟି ଠାରୁ ମାତ୍ର ୩.୧୪ ମିଟର ଉଚ୍ଚରେ ରହିଥିଲା ବିଦ୍ୟୁତ ତାର । ଯାହା ଫଳରେ ବସଟି ତାରରେ ଲାଗିଯାଇଥିଲା ଆଉ ଏତେ ବଡ ଦୁର୍ଘଟଣା ଘଟିଗଲା ।