ଘୁ.ଉଦୟଗିରି : ଘୁ.ଉଦୟଗିରି ଥାନା ଅଧୀନ କଳିଙ୍ଗା ଗ୍ରାମର ଜଣେ ୯ମ ଶ୍ରେଣୀ ଛାତ୍ରୀଙ୍କ ଘରେ ପଶି ତାଙ୍କୁ ମାଡ଼ ମାରିବା ଏବଂ ସୁନା ରୁପା, ଟଙ୍କା ଲୁଟି ଅପହରଣ କରିବା ମାମଲାର ଅଭିଯୁକ୍ତକୁ ପୁଲିସ ଆଜି ଗିରଫ କରି କୋର୍ଟ ଚାଲାଣ କରିଛି। ଗିରଫ ଜଣକ ହେଉଛି, ଗଂଜାମ ଜିଲ୍ଲା କୁକୁଡ଼ାଖଣ୍ଡି ବ୍ଲକ ବଉଳଝୋଳି ଗ୍ରାମର ସମୀର କୁମାର ପାତ୍ର। ଫେରାର ସମୀରକୁ ଗତକାଲି ବ୍ରହ୍ମପୁରରୁ ଗିରଫ କରାଯାଇଥିବା ନେଇ ତଦନ୍ତକାରୀ ଅଧିକାରୀ ଏସଆଇ ତୃପ୍ତିରଂଜନ ନାୟକ ସୂଚନା ଦେଇଛନ୍ତି।