ରସିକ ହାବିଲଦାର, ଗାଁ ଲୋକେ ଅଟକ ରଖି ଥାନାରେ ଜିମା ଦେଲେ
ଭଦ୍ରକ : ଭଣ୍ଡାରି ପୋଖରୀ ଥାନାର ଜଣେ ହାବିଲଦାର ଖଡିଶିଙ୍ଗା ଗ୍ରାମର ଜଣେ ମହିଳାଙ୍କୁ ହାବିଲଦାର ଅସଦାଚରଣ କରିଥିବା ଅଭିଯୋଗ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ହରମୋହନ ନାୟକ ନାମକ ଏହି ହାବିଲଦାର ଗତକାଲି ରାତିରେ ଉକ୍ତ ମହିଳାଙ୍କୁ ଫୋନ ଯୋଗେ ବିଭିନ୍ନ ଆଳ ଦେଖାଇ ତାଙ୍କ ସହ କଥା ହବା ପାଇଁ ଚାହିଁଥିଲେ । ଆଜି ସକାଳେ ତାଙ୍କ ଘରକୁ ଯାଇ ପ୍ରଥମେ ତାଙ୍କ ହାତକୁ ଦେଖିଥିଲେ ଏବଂ ତାଙ୍କ ଭାଗ୍ୟ ବଦଳି ଗଲା ବୋଲି କହିଥିଲେ । କେବଳ ଏତିକି ନୁହେଁ, ନିଜର ସବୁ ଦରମା ତାଙ୍କୁ ଦେବାସହ ତାଙ୍କୁ ପାର୍କ ନେବା ପାଇଁ କହିଥିଲେ । ଏପରି ବ୍ୟବହାର କରିବା ଦେଖି ସେହି ମହିଳା ଜଣକ ଗ୍ରାମର ଲୋକମାନଙ୍କୁ ଡାକିଥିଲେ । ଖବରପାଇ ଭଣ୍ଡାରି ପୋଖରୀ ପୁଲିସ ତାଙ୍କୁ ଘଟଣା ସ୍ଥାନରୁ ଆଣି ଥାନାରେ ଅଟକ ରଖିଛନ୍ତି । ଏ ନେଇ ମହିଳା ଜଣକ ଥାନାରେ ଲିଖିତ ଅଭିଯୋଗ କରିଛନ୍ତି।