ଭରା ନଈ ଅଟକାଇପାରିନି ଟିକାକରଣ: ଲୋକଙ୍କୁ ଟିକା ଆଗ, ପରିସ୍ଥିତି ପଛ
ଚିତ୍ରକୋଣ୍ଡା : କାନ୍ଧରେ ଭ୍ୟାକସିନ ଡବା | ଆଉ ମନରେ ଲୋକଙ୍କୁ କରୋନା ବିରୋଧରେ ଲଢେଇ କରିବାକୁ ଶକ୍ତି ଦେବାକୁ ଆଗେଇ ଚାଲିଛନ୍ତି ସ୍ୱାସ୍ଥ୍ୟ କର୍ମୀ | ଆଜି ଆମେ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକର ସ୍ୱାଭିମାନ ଅଞ୍ଚଳର ଏମିତି ଏକ ଦୃଶ୍ୟ ବାବଦରେ କହିବାକୁ ଯାଉଛୁ, ଯାହାକି ସ୍ୱାସ୍ଥ୍ୟ କର୍ମୀଙ୍କର ଅଦମ୍ୟ ସେବାକୁ ପ୍ରମାଣିତ କରିଛି | ସ୍ୱାଭିମାନ ଅଂଚଳରେ ଟିକା ଦେବାପାଇଁ ଭରା ନଦୀ ପାର ହେଉଛନ୍ତି ପୁରୁଷ ଓ ମହିଳା ସ୍ବାସ୍ଥ୍ୟକର୍ମୀ।
Sambad is now on WhatsApp
Join and get latest news updates delivered to you via WhatsApp
ଗୁରୁପ୍ରିୟା ସେତୁ ନିର୍ମାଣ ହେଲାପରେ ମଧ୍ୟ ସ୍ୱାଭିମାନ ଅଞ୍ଚଳର ସମସ୍ତ ଅଞ୍ଚଳକୁ ଆଜି ମଧ୍ୟ ଯୋଗାଯୋଗ ସଂପୂର୍ଣ୍ଣ ଭାବରେ ହୋଇପାରିନି। ଛୋଟ ବଡ଼ ବ୍ରିଜ ନିର୍ମାଣ କାମ ଜାରି ରହିଛି ।
ଆଉ ସ୍ୱାଭିମାନ ଅଞ୍ଚଳର ଲୋକଙ୍କ ପାଖରେ ସ୍ବାସ୍ଥ୍ୟସେବା ପହଞ୍ଚାଇବା ପାଇଁ ଆଜି କାନ୍ଧରେ ଭ୍ୟାକସିନେସନ ବାକ୍ସ ନେଇ ମାଲିଗୁଡ଼ା ନଦୀକୁ ପୁରୁଷ ସ୍ବାସ୍ଥ୍ୟକର୍ମୀ ଶଶାଙ୍କ ଶେଖର କର,ମହିଳା ସ୍ବାସ୍ଥ୍ୟକର୍ମୀ ପ୍ରଣତି ମଣ୍ଡଳ ପାର ହୋଇଥିଲେ | ସେଠାରେ ଲୋକଙ୍କୁ ଟିକା ଦେଇ ପୁଣି ଫେରିଥିଲେ |