ଜୟପୁର: ଜୟପୁର ବ୍ଲକ ଅର୍ନ୍ତଗତ କଙ୍ଗା ପଂଚାୟତର ଭାଜିଗୁଡା ପ୍ରାଥମିକ ବିଦ୍ୟାଳ‌ୟ ପରିସରରେ ବର୍ଷା ପାଣି ଜମା ହୋଇ କୃତ୍ରିମ ପୋଖରୀର ଭ୍ରମ ସୃଷ୍ଟି ହୋଇଛି। ଶ୍ରେଣୀଗୃହ ଗୁଡିକରେ ବି ପାଣି ପଶି ଯାଇଥିବା ଦେଖିବାକୁ ମିଳିଥିଲା। ପାଣି ନିଷ୍କାସନ୍ ହୋଇ ନପାରି ସେଭଳି ରହି ଯାଇଥିଲା। ବିଦ୍ୟାଳୟକୁ ଆସିଥିବା ଛାତ୍ରଛାତ୍ରୀମାନେ ପାଣି ମଧ୍ୟରେ ରହି ଯାଇଥିବା ଦେଖି ଅଭିଭାବକମାନେ ଭୟରେ ବିଦ୍ୟାଳୟକୁ ଆସି ପିଲାଙ୍କୁ ନେଇକି ପଳାଇଥିଲେ। ଏପରିକି ସବୁ ପୁରୁଣା ରୁମ ଗୁଡିକରେ ପାଣି ଜମା ହୋଇଯାଇଥିଲା। ସ୍କୁଲରେ ଥଣ୍ଡାର ମାହୋଲ ଦେଖାଦେଇଥିଲା।

Advertisment

publive-image Sambad

ଏଭଳିସ୍ଥିତିରେ ଗୁରୁବାର ପିଲାମାନେ ବର୍ଷା ପାଣି ଓ ପାଣି ଜମା ହୋଇ ରହିବା ଫଳରେ ହୋଇଥିବା ଥଣ୍ଡା ଧରିଥିବା ଅଭି‌ବାଭକମାନେ ଅଭିଯୋଗ କରିଛନ୍ତି। ସ୍କୁଲ ପରିସରକୁ ତୁରନ୍ତ ସଜାଡ଼ିବା ସହ ନୂଆ ଶ୍ରେଣୀଗୃହ ନିର୍ମାଣ କରିବାକୁ ଦାବି କରିଛନ୍ତି। ପାଣି ଯେଭଳି ଜମା ହୋଇ ନରୁହେ ସେ ଦିଗରେ ଦୃଷ୍ଟି ଦେବାକୁ ଦାବି କରିଛନ୍ତି। ସ୍କୁଲ‌ରେ ପାଣି ଜମା ହୋଇ ରହିଥିବା ଭିଡିଓ ବି ଆଜି ବିଭିନ୍ନ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି।