ନିୟନ୍ତ୍ରଣ ହରାଇ ଓଲଟିଲା ଟାଟାଏସ: ୫୦୦ ବଏଲର କୁକୁଡ଼ା ମୃତ
ଚାଳକ ଆହତ ସୁଯୋଗରେ କୁକୁଡ଼ା ଲୁଟିନେଲେ ସ୍ଥାନୀୟ ଲୋକ
ଧଉଳି: ଶୁକ୍ରବାର ଅପରାହ୍ନ ଦି’ଟା ବେଳେ ଭୁବନେଶ୍ବର ପୁରୀ ଜାତୀୟ ରାଜପଥର ପୁବାଶାସନ ଛକ ନିକଟରେ ଦ୍ରୁତବେଗରେ ଯାଉଥିବା ଏକ ଟାଟାଏସ ଓଲଟିପଡ଼ିବାରୁ ସେଥିରେ ଥିବା ୫୦୦ ବଏଲର କୁକୁଡ଼ାଙ୍କ ମୃତ୍ୟୁ ଘଟିଛି । ଏଥିସହିତ ଏହି ଦୁର୍ଘଟଣାରେ ଟାଟାଏସ ଚାଳକ ମଧ୍ୟ ଗୁରୁତର ଭାବେ ଆହତ ହୋଇଛନ୍ତି । ଚାଳକଙ୍କ ମୁଣ୍ଡରେ ଗଭୀର ଆଘାତ ଲାଗିବା ସହ ଶରୀରର ବିଭିନ୍ନ ସ୍ଥାନ କ୍ଷତାକ୍ତ ହୋଇଛି । ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ଚିକିତ୍ସା ଲାଗି ହସ୍ପିଟାଲକୁ ପଠାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଚାଳକଙ୍କୁ ହସ୍ପିଟାଲ ପହଞ୍ଚାଇବା ନେଇ କିଛି ଯୁବକ ବ୍ୟସ୍ତ ଥିବା ସୁଯୋଗରେ ଆଉ କିଛି ବଏଲର କୁକୁଡ଼ା ଲୁଟି ନେଇଥିଲେ । ଉତରା ପୁଲିସ ପହଞ୍ଚିଲା ପରେ ଅନ୍ୟ ସବୁ କୁକୁଡ଼ା ଗାଡ଼ି ମାଲିକଙ୍କୁ ହସ୍ତାନ୍ତର କରାଯାଇଥିଲା ।
ପ୍ରାପ୍ତ ସୂଚନାନୁଯାୟୀ ୨୦୦୦ ବଏଲର ନେଇ ଉକ୍ତ ଟାଟାଏସ ପିପିଲି ଅଭିମୁଖେ ଯାଉଥିଲା । ହେଲେ ନିୟନ୍ତ୍ରଣ ହରାଇ ରାସ୍ତା ମଝିରେ ଓଲଟିପଡ଼ିଥିଲା ।