ଓଭରଲୋଡ଼ିଂ ଯୋଗୁଁ ଓଲଟିଲା ହାଇୱା

ଟିଟିଲାଗଡ଼: ବଲାଙ୍ଗୀର ଜିଲ୍ଲା ଟିଟିଲାଗଡ଼ ବ୍ଲକ୍‌ ଖୋଲାନ ପଞ୍ଚାୟତ ପଥର୍ଲା ବାଲିଘାଟଠାରେ ଏକ ହାଇୱା ଓଭରଲୋଡିଂ ଯୋଗୁଁ ଓଲଟି ପଡ଼ିଥିଲା। କଳାହାଣ୍ଡି ଜିଲ୍ଲା କର୍ଲାସୁର୍ଡା କ୍ରସର୍‌ରୁ ଚିପ୍‌ସବୋଝେଇ ହୋଇ ଆସୁଥିବା ବେଳେ ପଥର୍ଲା ବାଲିଘାଟ ମାଟି ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଥିଲା।

ଏହି ଗାଁର ଗାଡ଼ି ମାଲିକ ଟିଟିଲାଗଡ଼ ନିବାସୀ ଆକାଶ ଗୋୟଲ୍ ବୋଲି ଜଣାପଡ଼ିଛି। ସ୍ଥାନୀୟ ଅଞ୍ଚଳବାସୀଙ୍କ ଅଭିଯୋଗ ଅନୁଯାୟୀ ଏହି ରାସ୍ତା ଦେଇ ନିତିଦିନ ଓଭରଲୋଡିଂ ଗାଡ଼ିଗୁଡ଼ିକ ଯାତାୟାତ କରୁଥିବା ବେଳେ କୌଣସି ବଡ଼ ଦୁର୍ଘଟଣାର ଆଶଙ୍କା ରହିଛି।