ଫୁଲବାଣୀ: ପୁଲିସ ଏକ କାଉଣ୍ଟରରେ ଗଞ୍ଜେଇ ମାଫିଆ ମୁନା ଦିଗାଲ ଗୁରୁତର

ଫୁଲବାଣୀ: ଫୁଲବାଣୀ ପୁଲିସର ଏନକାଉଣ୍ଟର। ପୁଲିସ ଏନକାଉଣ୍ଟରରେରେଗଞ୍ଜେଇ ମାଫିଆ ମୁନା ଦିଗାଲ ଗୁରୁତର। ମୁନା ଦିଗାଲର ହାତ ଓ ଗୋଡ଼ରେ ଗୁଳି ବାଜିଥିବାରୁ ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ  ଚିକିତ୍ସାଳୟରେ ଭର୍ତ୍ତି କରାଯାଇଛି। ଆହତ ମୁନା ଦିଗାଲ ନାମରେ  ଜିଲ୍ଲା ବିଭନ୍ନ ଥାନା ଅଞ୍ଚଳରେ ବହୁ ମାମଲା ରହିଥିବା  ପୁଲିସ କହିଛି।

ମିଳିଥିବା ସୂଚନା ଅନୁଯାୟୀ, ଗଞ୍ଜେଇ କାରବାର କରୁଥିବା ମୁନା ଦିଗାଲର ଆଡ଼୍‍ଡ଼ା ଓ ଗଞ୍ଜେଇ  କାରବାର ଉପରେ ଚଢ଼ାଉ କରୁଥିବା ଗୋଛାପଡ଼ା ଥାନା ଅଧିକାରୀ ମୃତ୍ୟୁଞ୍ଜୟ  ପ୍ରଧାନଙ୍କୁ ଗତ ୨ ତାରିଖ ସନ୍ଧ୍ୟା ପ୍ରାୟ ସାଢ଼େ ୭ଟା ବେଳେ ପ୍ରତିଶୋଧପରାୟଣ ହୋଇ ମୁନା ଦିଗାଲ ଆକ୍ରମଣ କରିଥିଲା। ଶ୍ରୀ ପଧାନ ଫୁଲବାଣୀ ଅନନ୍ଦବଜାର ଏକ ଏଟିଏମକୁ ଟଙ୍କା ଉଠାଇବାକୁ ଯାଉଥିବା ବେଳେ ଅନ୍ଧାରର ସୁଯୋଗ ନେଇ ମୁନା ଦିଗାଲ ତାଙ୍କ ବେକକୁ ଭୁଜାଲିରେ ଆକ୍ରମଣ କରିଥିଲା। ଏଥିରେ ଶ୍ରୀ ପ୍ରଧାନ ଆହତ ହୋଇଥିଲେ।  ପୁଲିସକୁ ଆକ୍ରମଣ କରିଥିବା ମୁନା ଦିଗାଲକୁୁ ଧରିବା ପାଇଁ ଫୁଲବାଣୀ ପୁଲିସ ଲାଗିପଡ଼ିଥିଲା। ଆଜି ଭୋର ଭୋରରୁ ମୁନା ଦିଗାଲ ପୁଲବାଣୀର ନାରାୟଣୀ ପାହାଡ଼ ନିକଟରେ ତାର କେତେକ ସମର୍ଥକଙ୍କ ସହିତ ଥିବା ସୂଚନା ପାଇ ପୁଲିସ ସେଠାକୁ ଚଢ଼ାଉ କରିବାକୁ ଯାଇଥିବା ବେଳେ ମାନ ଦିଗାଲ ପୁଲିସ ଉପରକୁ ୨ ରାଉଣ୍ଡ ଗୁଳି ଚଳାଇ ଖସିଯିବାକୁ ଚେଷ୍ଟା କରିଥିଲା। ଜବାବରେ ପୁଲିସ ପାଲଟା ଗୁଳି ଜଳାଇବାରୁ ମୁନା ଦିଗାଲ ବାମ ହାତ ଓ ଡାହାଣ ଗୋଡ଼ରେ ଗୁଳି ବାଜିଥିଲା । ଗୁରୁତର ଅବସ୍ଥାରେ ମୁନା ଦିଗାଲକୁ  ଉଦ୍ଧାର କରି ପୁଲିସ ଫୁଲବାଣୀ ଡାକ୍ତରଖାନାରେ ଭର୍ତ୍ତି କରିଛି।