ଖୋର୍ଦ୍ଧା : ଆଜି ଖୋର୍ଦ୍ଧା, ଟାଙ୍ଗୀ ଓ ବେଗୁନିଆ ଅବକାରୀ ବିଭାଗର ମିଳିତ ଚଢ଼ଉରେ ପ୍ରାୟ ୭ହଜାର ଲିଟର ଦେଶୀ ମଦ, ପୋଚ ଆଦି ଜବତ କରାଯିବା ସହ ମଦ ଭାଟିକୁ ନଷ୍ଟ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏନେଇ ସୂଚନା ଦେଇ ଖୋର୍ଦ୍ଧା ଅବକାରୀ ନିରୀକ୍ଷକ, ଭୈରବ ସାହୁ କହିଛନ୍ତି ଯେ ଆଜି ସକାଳ ୬ଟାରୁ ଅଭିଯାନ ଆରମ୍ଭ ହୋଇଥିଲା । ଟିମ୍ରେ ଖୋର୍ଦ୍ଧା, ଟାଙ୍ଗୀ ଓ ବେଗୁନିଆର ଅବକାରୀ ଅଧିକାରୀ ଓ କର୍ମଚାରୀ ସାମିଲ ହୋଇଥିଲେ । କଳାପଥର, କୋଟସିଂହ, ଖରଡ଼ାପଲ୍ଲୀରେ ଚଢ଼ଉ କରାଯାଇ ୭୦୦୦ଲିଟର ଦେଶୀମଦ, ପୋଚ, ମଦ ତିଆରି ସାମଗ୍ରୀ ଜବତ କରାଯାଇ ନଷ୍ଟ କରିଦିଆଯାଇଥିଲା । ଏହା ସହ ୨ଟି ମଦଭାଟି ଭଙ୍ଗାଯାଇଥିଲା । ତେବେ ଘଟଣାରେ କୌଣସି ବ୍ୟକ୍ତି ଗିରଫ ହୋଇନଥିବା ବେଳେ ଏହି ମଦଭାଟି ଗୁଡ଼ିକ ସମ୍ପର୍କରେ ଅଧିକ ତଦନ୍ତ ଜାରି ରହିଛି ଆଗକୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।