ରାଉରକେଲା: ଦେଶୀ ମଦ ଚୋରାଚାଲାଣ କରୁଥିବାବେଳେ ରାଉରକେଲା ଅବକାରୀ ପୁଲିସ ଜଣେ ଅଭିଯୁକ୍ତକୁ ଗିରଫ କରିଛି। ଗିରଫ ଅଭିଯୁକ୍ତ ହେଉଛି ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ତୁମରନର ମଦନ ମହାଲି। ଅଭିଯୁକ୍ତ ପାଖରୁ ୬୦ ଲିଟର ଦେଶୀ ମଦ ଓ ସ୍କୁଟି(ଓଡି-୧୪-ୟୁ-୮୨୨୬) ଜବତ ହୋଇଛି। ସ୍ଥାନୀୟ ଅଞ୍ଚଳରେ ଅବକାରୀ ମୋବାଇଲ ସ୍କ୍ବାଡ୍ ପାଟ୍ରୋଲିଂ କରୁଥିବାବେଳେ ଅଭିଯୁକ୍ତକୁ କାବୁ କରିଥିଲା।
Sambad is now on WhatsApp
Join and get latest news updates delivered to you via WhatsApp
ପ୍ରକାଶଥାଉକି, ଗତକାଲି ବୀରମିତ୍ରପୁର ଥାନା ଅନ୍ତର୍ଗତ ବିଜୁବନ୍ଧଠାରୁ ଅବକାରୀ ପୁଲିସ ୨ ଶହ ଲିଟର ଦେଶୀ ମଦ ଓ ୮୯୦୦ କେଜି ମହୁଲ ପୋଚ ଜବତ କରିଥିଲା। ତେବେ ପୁଲିସ ଚଢ଼ଉ ସୂଚନା ପାଇ ଅଭିଯୁକ୍ତମାନେ ଫେରାର ହୋଇଯାଇଥିଲେ।