ଜୟପୁର: ସ୍ଥାନୀୟ ଖ୍ରୀଷ୍ଟିୟାନ ପେଟ୍ଟା ଅଂଚଳରେ ଘର ନିର୍ମାଣ କରିବା ପାଇଁ ବାଲି, ପଥର, ଇଟା ,ଚିପସ୍ ଓ ମେଟାଲ ଆଦି ରାସ୍ତା ଏବଂ ଡ୍ରେନ ଉପରେ ଜମା କରି ରଖିଛନ୍ତି। ଏ ନେଇ ପୌରପାଳିକା କାର୍ଯ୍ୟନିର୍ବାହୀ ଅଧିକାରୀଙ୍କ ନିକଟରେ ଅଭିଯୋଗ ହେବା ପରେ ପୌରପାଳିକାର କର୍ମଚାରୀ ଓ ଟାଉନ ପୁଲିସ ଘଟଣାସ୍ଥଳକୁ ଯାଇ ତଦାରଖ କରିଥିଲେ। ଯେଉଁମାନେ ଏଭଳି ରାସ୍ତା ଅବରୋଧ କରି ରଖିଛନ୍ତି ସେମାନଙ୍କୁ କଡ଼ା ତାଗିଦ୍ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଆସନ୍ତାକାଲି ସକାଳ ସୁଦ୍ଧା ଏସବୁ ନ ହଟାଇଲେ ଜେସିବି ଲଗାଇ ସବୁ ହଟାଯିବ ବୋଲି ପୌରପାଳିକା ପକ୍ଷରୁ ଲୋକଙ୍କୁ ସୂଚନା ଦିଆଯାଇଥିଲା। ଦିନକ ଏହି ଲୋକଙ୍କୁ ସମୟ ଦିଆଯାଇଛି। ଆସନ୍ତାକାଲି ସକାଳ ସୁଦ୍ଧା ନ ଉଠାଇଲେ ପୌରପାଳିକା ପକ୍ଷରୁ ସବୁ ଉଠାଇ ନେବା ସହ ଆଇନଗତ ମାମଲା ବି ରୁଜୁ କରାଯିବ ବୋଲି କହିଛନ୍ତି ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ସିଦ୍ଧାର୍ଥ ପଟ୍ଟନାୟକ।