କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ୍ର ମାର୍ଶାଘାଇ ଥାନା ଅନ୍ତର୍ଗତ ପାଟିଳିପଙ୍କ ଗାଁରେ ଘଟିଛି ଏକ ଅଭାବନୀୟ ଘଟଣା। ଏସିଡ ମାଡ଼ରେ ପାଟିଳିପଙ୍କ ଗ୍ରାମର ହିମାଂଶୁ ବାରିକଙ୍କ ପରିବାର ଗୁରୁତର ଭାବେ ଆହତ ହୋଇଛନ୍ତି। ଆହତମାନଙ୍କୁ ପ୍ରଥମେ ଇଫ୍କୋ ଡାକ୍ତରଖାନା ଓ ପରେ କଟକର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି। ଏସିଡି ମାଡ଼ରେ ହିଂମାଂଶୁ ବାରିକଙ୍କ ଦୁଇ ଆଖି ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିିବା କୁହାଯାଉଥିବା ବେଳେ ପତ୍ନୀ ମିନତି ବାରିକ ଓ ୨ ବର୍ଷର ଶିଶୁ କନ୍ୟା ଶୁଭଶ୍ରୀ ବାରିକ ଗୁରୁତର ଭାବେ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗତକାଲି ରାତିରେ ଘରେ ଖାଇ ପିଇ ହିମାଂଶୁ, ପତ୍ନୀ ମିନତି ଓ ଶିଶୁ କନ୍ୟା ଶୁଭଶ୍ରୀଙ୍କ ସହିତ ଘର ଭିତରେ ଶୋଇଥିଲେ। ତେବେ ବିଳମ୍ବିତ ରାତିରେ କେହି ଦୁର୍ବୃତ୍ତ ଝରକା ବାଟେ ସେମାନଙ୍କ ଉପରକୁ ଏସିଡ ଫିଙ୍ଗି ଫେରାର ହୋଇ ଯାଇଥିଲା। ଏସିଡଦେହରେ ପଡ଼ିବା ପରେ ଏହାର ଜ୍ୱଳନଜନିତ ଯନ୍ତ୍ରଣାରେ ହିମାଂଶୁ ଓ ତାଙ୍କ ପତ୍ନୀ ଚିତ୍କାର କରିବାରୁ ପରିବାର ଲୋକେ ଉଠି ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରିଛନ୍ତି। ଏହି ଘଟଣାକୁ ନେଇ ଗ୍ରାମରେ ଉତ୍ତେଜନା ଦେଖାଦେଇଛି।