ବେଆଇନ ବଟି ଆଦାୟ କରି ୨ ଗିରଫ
ଖୋର୍ଦ୍ଧା : ୧୬ ନମ୍ବର ଜାତୀୟ ରାଜପଥର ପ୍ରାଣନାଥ ମହାବିଦ୍ୟାଳୟ ନିକଟରେ ଟ୍ରକ୍ଗୁଡ଼ିକ ଠାରୁ ବେଆଇନ ବଟି ଆଦାୟ କରିବା ଅଭିଯୋଗରେ ଖୋର୍ଦ୍ଧା ପୁଲିସ ୨ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ଗତକାଲି ଭୋରରେ ଶିଳ୍ପାଚଂଳ ଫାଣ୍ଡି ଅଧୀନସ୍ଥ ଜାତୀୟ ରାଜପଥର ପାଣନାଥ ମହାବିଦ୍ୟାଳୟ ବାଇପାସ୍ ନିକଟରେ ବେଆଇନ ଭାବେ ବିଭିନ୍ନ ଗାଡ଼ିରୁ ବଟି ଆଦାୟ କରାଯାଉଥିବା ଖବର ପାଇ ଶିଳ୍ପାଂଚଳ ଫାଣ୍ଡି ପୁଲିସ ଚଢ଼ଉ କରିଥିଲା । ଏହି ଚଢ଼ଉରେ ସ୍ଥାନୀୟ ମୁକୁନ୍ଦପ୍ରସାଦ ଅଂଚଳର ସୁରଜ ଓରଫ ସୋନୁ ଦଳବେହେରା (୨୦) ଓ କାଶିମୁଦ୍ଦିନ୍ ସାହା (୩୪)ଙ୍କୁ ଗିରଫ କରାଯାଇଛି । ସେମାନଙ୍କ ନିକଟରୁ ନକଲି ରସିଦ ବହି ଜବତ କରାଯାଇଛି । ଫାଣ୍ଡି ଏସଆଇ ଶରତ ଚନ୍ଦ୍ର ପ୍ରଧାନଙ୍କ ଅଭିଯୋଗ କ୍ରମେ ୫୪/୨୧ ଆର୍ମସ ଆକ୍ଟରେ ଏକ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲଣ କରାଯାଇଛି ।