କୋରାପୁଟ: ପୁରୁଣା ବସ୍ତ୍ର ଦିଅନ୍ତୁ, କଫି କପେ ପିଅନ୍ତୁ। ଏହି ପୁରୁଣା ବସ୍ତ୍ରକୁ ବାଙ୍ଗାଲୋର ପଠାଯିବ। ସେଥିରୁ ପ୍ରସ୍ତୁତ ସାମଗ୍ରୀକୁ ପୁନଃବ୍ୟବସ୍ଥିତ କରାଯିବ। ଆଜି କୋରାପୁଟର କଫି ବୋର୍ଡଠାରେ ଆନ୍ତର୍ଜାତୀୟ କଫି ଦିବସ ପାଳନ ହୋଇଯାଇଛି। ବିଶ୍ବର ବିଭିନ୍ନ ସ୍ଥାନରେ କଫି ପ୍ରେମୀ କଫିର ସ୍ୱାଦ ନେଉଥିବା ବେଳେ କୋରାପୁଟ କଫି ଏବେ ପର୍ଯ୍ୟଟକଙ୍କୁ ଆକର୍ଷିତ କରୁଛି। କୋରାପୁଟର କଫିକୁ ନେଇ ସମସ୍ତେ ଉତ୍ସାହିତ ଥିବାବେଳେ କଫି ବୋର୍ଡ ଆନୁକୂଲ୍ୟରେ ‘ପୁରୁଣା ବସ୍ତ୍ର ଦେଇ କଫି କପେ ପିଅ’ ଆନ୍ତର୍ଜାତିକ କଫି ଦିବସରେ କୋରାପୁଟ କଫି ବୋର୍ଡର ଅଭିନବ ପ୍ରୟାସ ଆରମ୍ଭ ହୋଇଛି । କୋରାପୁଟର କଫି ବ୍ରାଣ୍ଡ ‘କୋରାପୁଟ କଫି’ ଭାବେ ଆନ୍ତର୍ଜାତିକ ସ୍ତରରେ ଖ୍ୟାତି ହାସଲ କରିଥିବା ବେଳେ ଏବେ ଆମାଜନରେ ମଧ୍ୟ ମିଳୁଛି। କୋରାପୁଟ କଫିର ଆରବିକା ଫ୍ଳେବରକୁ ସମସ୍ତେ ଆଦୃତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
କୋରାପୁଟର ଜଳବାୟୁ, ଭିତ୍ତିଭୂମି ଓ ଅର୍ଥନୈତିକ ସ୍ତରରେ ଆଦିବାସୀଙ୍କୁ ଅଭିବୃଦ୍ଧି କରୁଥିବା ସହ ପର୍ଯ୍ୟଟନ କ୍ଷେତ୍ରରେ ଅନେକ ସମ୍ଭାବନା ରହିଥିବା ଦେଖା ଦେଇଛି। କଫିର ଗୁଣ କଫି ଦ୍ବାରା ହୋଉଥିବା ଲାଭ ଓ ବିଶେଷ କରି କୋରାପୁଟ କଫିକୁ ବିଶ୍ଵ ସ୍ତରରେ କିପରି ଅଧିକ ଆଦୃତ କରାଯାଇପାରିବ ତାହା ଉପରେ ଆଲୋଚନା ହୋଇଥିଲା। କୋରାପୁଟରେ ଅବସ୍ଥାପିତ ଯୁବ ଆଇଏଏସ ଅଧିକାରୀ ବେଦଭୂଷଣ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଅନ୍ୟପଟେ କଫି ବୋର୍ଡର ବରିଷ୍ଠ ସମ୍ପର୍କ ଅଧିକାରୀ ଉପେନ୍ଦ୍ର କୁମାର ସାହା କହିଛନ୍ତି ଭାରତରେ କଫିଚାଷ ହିଁ ଦୀର୍ଘସ୍ଥାୟୀ। କୋରାପୁଟ କଫି ହେବ ବିଶ୍ଵ ପରିଚିତ ଓ କଫିଚାଷ ହିଁ କୋରାପୁଟ ର ଆଦିବାସୀ ଚାଷୀଙ୍କୁ ଆଣିଦେବ ଅର୍ଥନୈତିକ ଅଭିବୃଦ୍ଧି ବୋଲି ସେ କହିଛନ୍ତି। କୋରାପୁଟର ନୂତନ ପିଢ଼ି ପାଇଁ କଫି ଏକ ଉଜ୍ଜ୍ୱଳ ଭବିଷ୍ୟତ ଆଣିଦେବ ବୋଲି କୋରାପୁଟରେ ଅପସ୍ଥାପିତ ଆଇଏଏସ ବେଦଭୂଷଣ ଆଶାପୋଷଣ କରିଛନ୍ତି ।
ଆଜି କୋରାପୁଟରେ ଆନ୍ତର୍ଜାତୀୟ କଫି ଦିବସ ପାଳନ ଅବସରରେ ସେ ଏହି ମତ ରଖିଛନ୍ତି । କୋରାପୁଟରେ ସରକାରୀ ଓ ବେସରକାରୀ ଉଦ୍ୟମରେ ପ୍ରତିଷ୍ଟିତ କଫି ବଗିଚା ଗୁଡିକ କୋରାପୁଟକୁ ପର୍ଯ୍ୟଟନ କ୍ଷେତ୍ରରେ ଏକ ନୂତନ ଦିଗନ୍ତ ଉନ୍ମୋଚନ କରିବା ସହିତ ଏକ ସୁସ୍ଥ ପରିବେଶ ସୃଷ୍ଟି କରିପାରିବ ବୋଲି କର୍ପୋରେଟ ବ୍ୟବସାୟ କ୍ଷେତ୍ରରେ ଉଚ୍ଚ ପଦବୀକୁ ପରିତ୍ୟାଗ କରି କୋରାପୁଟରେ କଫି ଚାଷରେ ବଳକା ଜୀବନ ବିତାଇବା ପାଇଁ ଚାଲିଆସିଥିବା କଫି ଉଦ୍ୟୋଗୀ ସୁବ୍ରତ ଦାସ ଜଣାଇଛନ୍ତି । ଘରେ ଘରେ କଫି ପିଇବା ପାଇଁ ପ୍ରୋତ୍ସାହିତ କରିବା ଦିଗରେ ଉଦ୍ୟମ କରାଯାଉଥିବା ନିଜସ୍ୱ ଉଦ୍ୟମରେ ସ୍ଥାପିତ କରିଥିବା କଫି ଉଦ୍ୟୋଗୀ ସୁଶାନ୍ତ ପଣ୍ଡା ଜଣାଇଛନ୍ତି ।
କଫି ଚାଷ କରିବା ସହିତ ଏହି ଅଂଚଳରେ ବ୍ୟାପକ ରୋଜଗାର ଯୋଗାଇବା କ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରିବା ସହ ଏକ ସୁସ୍ଥ ଜୀବନ ବିତାଇବା ପାଇଁ ଏକ ସ୍ୱାସ୍ଥ୍ୟବର୍ଦ୍ଧକ ପାନୀୟ ଭାବେ ଆଦୃତ ହେଉଥିବା ଯୋଗୁଁ କୋରାପୁଟରେ ଉତ୍ପାଦିତ କଫି ଓ ଚାଷୀଙ୍କ ପାଇଁ ଖୁସି ଖବର ଆଣିଦେଇଥିବା, କଫି ବୋର୍ଡର ବରିଷ୍ଠ ସମ୍ପର୍କ ଅଧିକାରୀ ଉପେନ୍ଦ୍ର କୁମାର ସାହା ଆଶାବ୍ୟକ୍ତ କରିଛନ୍ତି । କୋରାପୁଟର କଫିକୁ ନେଇ ସମସ୍ତେ ଉତ୍ସାହିତ ଥିବା ବେଳେ କଫି ବୋର୍ଡ ଆନୁକୂଲ୍ୟରେ ‘ଥିଲେ ଦିଅ, ନଥିଲେ ନିଅ’ ପ୍ରକ୍ରିୟାରେ ସହରବାସୀଙ୍କ ଠାରୁ ପୁରୁଣା ବସ୍ତ୍ର ଗ୍ରହଣ କରାଯାଇ ଗାଁ ଗହଳିରେ ଲୋକଙ୍କୁ ବଣ୍ଟନ କରାଯିବ ।