ଭୋଟ ବାକ୍ସ ଟାମ୍ପରିଂ ଅଭିଯୋଗ, ରାହାମା କଣ୍ଟ୍ରୋଲ ରୁମ ଆଗରେ ଉତ୍ତେଜନା
ଜଗତସିଂହପୁର : ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ରାହାମା କଣ୍ଟ୍ରୋଲ ରୁମରେ ପୁଲିଂ ଟିମକୁ କେତେକ ଲୋକ ଠେଲାପେଲା ଓ ମାଡ଼ ମାରିଥିବା ଅଭିଯୋଗ ହୋଇଛି । କୁଜଙ୍ଗ ପଣ୍ଡୁଆ ପଂଚାୟତ ବୁଥ-୧୦ ଭୋଟ ବାକ୍ସ ଟ୍ୟାମ୍ପରିଂରୁ ଉତ୍ତେଜନା ସୃଷ୍ଟି ହୋଇଛି । ଏହାର ପ୍ରତିବାଦରେ ସ୍ଥାନୀୟ ଲୋକେ କଣ୍ଟ୍ରୋଲ ରୁମ ସାମ୍ନାରେ ଧାରଣା ଦେଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, କୁଜଙ୍ଗ ବ୍ଲକ ରାହାମା କଣ୍ଟ୍ରୋଲ ରୁମରେ ଭୋଟ ବାକ୍ସ ଟାମ୍ପରିଂ ଅଭିଯୋଗ ଆସିବା ପରେ କେତେକ ସ୍ଥାନୀୟ ଲୋକ ପୋଲିଂ ଟିମକୁ ଠେଲାପେଲା ଓ ମାଡ଼ ମାରିଥିବା ଅଭିଯୋଗ ହୋଇଛି । ଏହା ସହିତ ଲୋକମାନେ କଣ୍ଟ୍ରୋଲ ରୁମ ଆଗରେ ଧାରଣାରେ ବସିଛନ୍ତି । ଏହି ଖବର ପାଇ ଘଟଣାସ୍ଥଳରେ ପାରାଦୀପ ଅତିରିକ୍ତ ଜିଲ୍ଲାପାଳ କାହ୍ନୁ ଚରଣ ଧୀର ଓ କୁଜଙ୍ଗ ଥାନା ଭାରପ୍ରାପ୍ତ ଅଧିକାରୀ ସୁଜିତ ପ୍ରଧାନ ପହଞ୍ଚି ଲୋକମାନଙ୍କୁ ବୁଝାସୁଝା କରୁଛନ୍ତି । ମାତ୍ର ଏପର୍ଯ୍ୟନ୍ତ ଧାରଣା ପ୍ରତ୍ୟାହୃତ ହୋଇନଥିବା ଜଣାପଡ଼ିଛି ।