ପାରାଦୀପରେ ନକଲି ମଶାବତୀ କାରଖାନା ଠାବ: ଜଣେ ଅଟକ
ପାରାଦୀପ: ପାରାଦୀପର ତାରେଣୀଗଡ଼ାରେ ନକଲି ମଶାବତୀ କାରଖାନା ଠାବ ହୋଇଛି। ଧୂପବତୀ ନାମରେ ନକଲି କାରବାର ଚାଲିଥିଲା ବେଳେ ପାରାଦୀପ ଥାନା ପୁଲିସ ପକ୍ଷରୁ ଅଚାନକ ଚଢାଉ ହୋଇଥିଲା। ଏହି ସମୟରେ ବହୁ ସମାଗ୍ରୀ ଜବତ କରାଯାଇଥିବା ବେଳେ ଜଣେ ଅଟକ ରହିଛି।
Sambad is now on WhatsApp
Join and get latest news updates delivered to you via WhatsApp
ଅନେକ ଦିନ ହେବ ଏଠି ଚାଲିଥିଲା ଏହି ନକଲି କାରବାର। ସ୍ଲିପ୍ ୱେଲ କମ୍ପାନି ନାମରେ ମଶାବତୀ ତିଆରି କରି ଏମାନେ ଖୋଲାମେଲା ବ୍ୟବସାୟ କରୁଥିଲେ। ବେଙ୍ଗାଲୁରୁର ମୂଳ କମ୍ପାନି ଏହି ନକଲି ମଶାବତୀ କାରଖାନା ବିଷୟରେ ପାରାଦୀପ ଥାନାରେ ଅଭିଯୋଗ କରିବା ପରେ ପୁଲିସ ଗତକାଲି ବିଳମ୍ବିତ ରାତିରେ ଚଢାଉ କରି ମଶାଧୂପ ପ୍ରସ୍ତୁତ କରିବା ମେସିନ୍, ଜରି ଓ ଅନେକ ଜିନିଷ ଜବତ କରିବା ସହ ଜଣଙ୍କୁ ଅଟକ ରଖିଛି।