ବଡ଼ଚଣା ବିଧାୟକଙ୍କ କାରକୁ ଧକ୍କା ଦେଲା ବାଇକ୍, ଯୁବକ ଆହତ

ଚଣ୍ଡିଖୋଲ: ଯାଜପୁର ଜିଲ୍ଲା ବଡ଼ଚଣା ଥାନା ଅଞ୍ଚଳରେ ଏକ ଦୁର୍ଘଟଣା ଘଟିଥିବାର ଖବର ମିଳିଛି। ସୂଚନା ଅନୁଯାୟୀ ଗତକାଲି ରାତି ପ୍ରାୟ ୯ଟା ବେଳେ ବଡ଼ଚଣା ବିଧାୟକ ଅମର ଶତପଥୀ ନିଜ କାରରେ ଚମ୍ପାପୁରରୁ ନିଜ ବାସଭବନକୁ ଫେରୁଥିଲେ। ବନ୍ଦାଳ ଛକ ନିକଟରେ ଥିବା ଏକ ହମ୍ପ ପାଖରେ ତାଙ୍କ ଗାଡ଼କୁ ପଛପଟୁ ଏକ ବାଇକ୍ ଧକ୍କା ଦେଇଥିଲା। ଏହାଫଳରେ ବାଇକ୍ ଆରୋହୀ ଆହତ ହୋଇଥିଲେ।

ଖବର ପାଇ ବଡ଼ଚଣା ଥାନା ପୁଲିସ ଘଟଣାସ୍ଥଳରେ ପହଞ୍ଚି ବାଇକ୍ ଆରୋହୀଙ୍କୁ ଉଦ୍ଧାର କରି ବଡ଼ଚଣା ଡାକ୍ତରଖାନାରେ ଭର୍ତ୍ତି କରିଥିଲା। ଏହି ଦୁର୍ଘଟଣାରେ ବଡ଼ଚଣା ବିଧାୟକ ଅମର ଶତପଥୀଙ୍କ ଗାଡ଼ିର ପଛ କାଚ ଭାଙ୍ଗିଯାଇଥିବାର ସୂଚନା ରହିଛି।