ସୁଜନପୁର : ଯାଜପୁର ସଦର ଥାନା ଅଧୀନ ଶାମଦାସପୁର ଗ୍ରାମର ଦଶମ ଶ୍ରେଣୀରେ ପଢୁଥିବା ଜଣେ ଦଳିତ ନାବାଳିକାକୁ ଗତକାଲି ବିଳମ୍ବିତ ରାତିରେ ଘରେ ପଶି ଦୁଷ୍କର୍ମ ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ଅଭିଯୋଗ ପାଇବା ପରେ ପୁଲିସ୍‌ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ପୀଡ଼ିତାଙ୍କ ପରିବାର ଓ ଗ୍ରାମବାସୀଙ୍କୁ ଦ୍ଵାରା ଅଟକ ରଖିଥିବା ଅଭିଯୁକ୍ତକୁ ଉଦ୍ଧାର କରି ଥାନାରେ ଅଟକ ରଖିଛନ୍ତି।
ପୁଲିସ୍‌ସୂତ୍ରରୁ ପ୍ରକାଶ ଯେ ଶାମଦାସପୁର ଗ୍ରାମର ଦଶମ ଶ୍ରେଣୀରେ ଅଧ୍ୟୟନ କରୁଥିବା ୧୫ବର୍ଷ ବୟସର ଜଣେ ଛାତ୍ରୀ ଗତକାଲି ରାତିରେ ଏକ କୋଠରିରେ ଏକାକୀ ଶୋଇଥିଲା। ଏହାର ସୁଯୋଗ ନେଇ ସେହି ପଞ୍ଚାୟତ ର କୁଝାଲା ଗ୍ରାମର ଘୁଗୁଲା ଜେନାଙ୍କ ପୁଅ ମୋହନ ଜେନା(୨୦) ପୀଡ଼ିତାଙ୍କ ଘରେ ପଶି ତାଙ୍କୁ ଦୁଷ୍କର୍ମ ଉଦ୍ୟମ କରୁଥିବା ବେଳେ ଘର ବାରଣ୍ଡାରେ ଶୋଇଥିବା ବାପା ଉଠି ପଡିବାରୁ ଘଟଣାସ୍ଥଳରୁ ଅଭିଯୁକ୍ତ ଖସି ଯିବାକୁ ଉଦ୍ୟମ କରୁଥିଲା। ପୀଡିତା ପରିବାର ଲୋକ ଅଭିଯୁକ୍ତ ମୋହନକୁ କାବୁ କରି ନେଇଥିଲେ। ଏ ଘଟଣା ଜାଣିବା ପରେ ଗ୍ରାମବାସୀ ଅଭିଯୁକ୍ତକୁ ଧରି ମାଡ ମାରିବା ସହ ପୁଲିସ୍‌କୁ ଖବର ଦେଇଥିଲେ। ପୁଲିସ୍‌ ଘଟଣାସ୍ଥଳରେ ପହଞ୍ଚ ଅଭିଯୁକ୍ତକୁୁ ଉଦ୍ଧାର କରି ଥାନାକୁ ଆଣି କେସ ନଂ ୨୫/୧୮ ମାମଲା ରୁଜୁ କରି ତଦନ୍ତ ଚଳାଇଛନ୍ତି। ପୀଡ଼ିତାର ବୟାନ ମାଜିଷ୍ଟ୍ରେଟ୍‌ ନିକଟରେ ରେକର୍ଡ଼ କରାଯାଇଛି। ଗ୍ରାମବାସୀ କହିବା ଅନୁଯାୟୀ ପୀଡ଼ିତା ସ୍କୁଲକୁ ପାଠ ପଢିବାକୁ ଯିବା ବାଟରେ ଅଭିଯୁକ୍ତ ଏକ ତରଫା ପ୍ରେମ କରିଆସୁଥିଲା । ଚଳିତ ମାସରେ ୫ଟି ଦୁଷ୍କର୍ମ ଘଟଣାର ଅଭିଯୋଗ ହୋଇଛିା