କବାଟବନ୍ଧ: ଧର୍ମଶାଳା ବ୍ଲକ ବିଛାଖଣ୍ଡି ଅଂଚଳରେ ଥିବା ଏକ କ୍ରସର ୟୁନିଟରୁ ଗତ ୨୩ ତାରିଖ ବିଳମ୍ବିତ ରାତିରେ ୧୦ଟି ମଟର ଚୋରି ହୋଇଥିଲା । ଏ ନେଇ କ୍ରସର ମାଲିକ ଧୀରେନ୍ଦ୍ର ସାହୁ ଜେନାପୁର ଥାନାରେ ଲିଖିତ ଅଭିଯୋଗ କରିବା ପରେ ଜେନାପୁର ପୁଲିସ ୫୯/୧୮ରେ ଏକ ମାମଲା ରୁଜୁ କରି ତଦନ୍ତ ଚଳାଇଥିଲା। ଏହି ଘଟଣାରେ ପୁଲିସ୍‌ ସ୍ଥାନୀୟ ଏଣ୍ଡଳବା ପଂଚାୟତ ରାଧାକାନ୍ତପୁର ଗ୍ରାମର ନିରଂଜନ ପରିଡ଼ା ଓରଫ ନରୁଆଙ୍କୁ ଗିରଫ କରିଛନ୍ତି। ଏଥିରେ ଏକାଧିକ ଲୋକ ସମ୍ପୃକ୍ତ ଥିବାର ସନ୍ଦେହ କରାଯାଉଛି।