ବ୍ୟାସନଗରରେ ଡକାୟତି, ଲୁଟିନେଲେ ଲକ୍ଷାଧିକ ଟଙ୍କା ଓ ସୁନାଗହଣା
ଯାଜପୁର: ଗତ ରାତିରେ ଯାଜପୁର ଜିଲ୍ଲା ବ୍ୟାସନଗରରେ ଘଟିଯାଇଛି ଏକ ଡକାୟତି ଘଟଣା । ରାତି ପ୍ରାୟ ୨.୩୦ରେ ପାଞ୍ଚ ଜଣ ଦୁର୍ବୃତ୍ତ ଜଣେ ସ୍ଥାନୀୟ ବାସିନ୍ଦାଙ୍କ ଗ୍ରିଲ୍ ଭାଙ୍ଗି ତାଙ୍କ ଘରେ ପଶି ଲୁଟ୍ କରିଥିବା ଅଭିଯୋଗ ହୋଇଛି । ଲୁଟେରାମାନଙ୍କ ଆକ୍ରମଣରେ ଘର ମାଲିକ ଗୁରୁତର ଭାବେ ଆହତ ହୋଇଥିବା ଜାଣିବାକୁ ମିଳିଛି । ଆହତ ଜଣକ ହେଉଛନ୍ତି ବିଦ୍ୟାଧର ରାଉତ। ତାଙ୍କୁ ଚିକିତ୍ସା ପାଇଁ ହସ୍ପିଟାଲ୍ରେ ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ସେଠାରୁ ଏକ ଅଫୁଟା ଗୁଳି ଜବତ କରିଛି । ଦୁର୍ବୃତ୍ତମାନେ ପ୍ରାୟ ୩ ଲକ୍ଷ ଟଙ୍କା ସୁନା ସହ କିଛି ନଗଦ ଟଙ୍କା ବି ଲୁଟି ନେଇଛନ୍ତି। ଘର ମାଲିକ ପିନ୍ଧିଥିବା ସୁନା ସହ ତାଙ୍କ ଆଲମାରୀରୁ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ। ପ୍ରାୟ ୧ ଲକ୍ଷ ଟଙ୍କା ସେମାନେ ଲୁଟି ନେଇଛନ୍ତି ବୋଲି ଘର ମାଲିକ ଅଭିଯୋଗ ଆଣିଛନ୍ତି। ଉଲ୍ଲେଖଯୋଗ୍ୟ, ପୂର୍ବରୁ ପୁଲିସ୍ ବ୍ୟାସନଗରରୁ ୨ ଜଣ ବଡ଼ ଡକାୟତଙ୍କୁ ଧରିଥିଲା।