ଯାଜପୁର: ବିବାହ ଭୋଜିକୁ ବନ୍ଦ କରି କରୋନା ସଚେତନତାର ବାର୍ତ୍ତା ଦେଲେ ନବଦମ୍ପତି। ନିଜ ଅଞ୍ଚଳରେ ଲୋକଙ୍କୁ ମାସ୍କ ଓ ସାନିଟାଇଜର ବଣ୍ଟନ କରି ଲୋକଙ୍କୁ ସଚେତନ କଲେ। ଯାଜପୁର ଜିଲ୍ଲା ବିଂଝାରପୁର ବ୍ଲକ ଟିଣା ଅଞ୍ଚଳର ସଂଗ୍ରାମ କେଶରୀ ସାହୁ ନିଜର ବିବାହ ଭୋଜିକୁ ବନ୍ଦ କରି ପତ୍ନୀ ତୃପ୍ତିମୟୀ ଦାସଙ୍କ ସହିତ ନିଜ ଅଞ୍ଚଳର ଲୋକଙ୍କୁ ମାସ୍କ ଓ ସାନିଟାଇଜର ବାଣ୍ଟିବା ସହିତ ଲୋକଙ୍କୁ କରୋନା ସମ୍ପର୍କରେ ସଚେତନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
କରୋନା ମହାମାରୀ ସମୟରେ ବିବାହ ଭୋଜି କଲେ କରୋନା ଅଧିକ ସଂକ୍ରମିତ ହେବାର ଆଶଙ୍କା ରହିଥିବାରୁ ସଂଗ୍ରାମ ଏପରି ଏକ ମହତ୍ ନିଷ୍ପତ୍ତି ନେଇଥିଲେ। ନବଦମ୍ପତି ବିଂଝାରପୁର ଡାକ୍ତରଖାନାକୁ ଆସୁଥିବା ରୋଗୀ ଓ ସେମାନଙ୍କ ସମ୍ପର୍କୀୟମାନଙ୍କୁ ମଧ୍ୟ ମାସ୍କ ଓ ସାନିଟାଇଜର ବାଣ୍ଟି କରୋନା ସଂପର୍କରେ ସଚେତନ କରିଛନ୍ତି। ନବଦମ୍ପତିଙ୍କ ଏଭଳି ଉଦ୍ୟମକୁ ସାଧାରଣରେ ବେଶ୍ ପ୍ରଶଂସା କରାଯାଇଛି।