ବେଗନାରେ ରଥ ଟାଣିଲେ ଜିଲ୍ଲାପାଳ

ଯାଜପୁରରୋଡ : କୋରେଇ ବ୍ଲକ୍‌ ଅନ୍ତର୍ଗତ ଧନେଶ୍ବର ପଞ୍ଚାୟତ ବେଗନା ଠାରେପବିତ୍ର ରଥଯାତ୍ରା ଅନୁଷ୍ଠିତ ହୋଇଯାଇଛି। ମନ୍ଦିର ପୁରୋହିତ ରଘୁନାଥ ପଣ୍ଡା ରଥପ୍ରତିଷ୍ଠା କରିବା ପରେ ରାଜକିଶୋର ପଣ୍ଡା, ପୂର୍ଣ୍ଣଚନ୍ଦ୍ର ପଣ୍ଡା, ସୁଦାମ ଚରଣ ଦାଶ ଓ ସୁକାନ୍ତ କୁମାର ଦାଶ ଦିଅଁମାନଙ୍କୁ ପହଣ୍ଡି କରି ରଥାସୀନ କରାଇଥିଲେ। ପ୍ରାକ୍ତନ ସାଂସଦ ଡ. ରାମଚନ୍ଦ୍ର ଖୁଣ୍ଟିଆ ଛେରାପହଁରା କରିଥିବା ବେଳେ ମୁଖ୍ୟଅତିଥି ଭାବେ ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ ଯୋଗଦେଇ ନବନିର୍ମିତ ଗୁଣ୍ଡିଚା ମନ୍ଦିର ଓ ରଥଟଣାକୁ ଉଦ୍‌ଘାଟନ କରିଥିଲେ। ଦୀନବନ୍ଧୁ ଖୁଣ୍ଟିଆ, କୃଷ୍ଣଚନ୍ଦ୍ର ସ୍ବାଇଁ, ନବଘନ ଦାସ, କାଳନ୍ଦୀ ପଣ୍ଡାଙ୍କ ସମେତ ଗ୍ରାମବାସୀମାନେ କାର୍ଯ୍ୟକ୍ରମ ପରିଚାଳନାରେ ସହ‌ଯୋଗ କରିଥିଲେ। ମନ୍ଦିରର ମୁଖ୍ୟଟ୍ରଷ୍ଟି ପଣ୍ଡିତ ଡ. ସୂର୍ଯ୍ୟମଣି ଖୁଣ୍ଟିଆ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ।

ସମ୍ବନ୍ଧିତ ଖବର