ଯାଜପୁର: ଆମେ ମାସ୍କ ପିନ୍ଧିବୁନି, ଆମ ପାଇଁ ଆମ ଠାକୁରାଣୀ ଅଛନ୍ତି । ଆମର କିଛି ହବନି । ଏଭଳି କିଛି ଅଜବ ଯୁକ୍ତି ବାଢିଛନ୍ତି ଯାଜପୁରର ଜିଲ୍ଲାର ସେଇ ଚର୍ଚ୍ଚିତ ନଗଡାବାସୀ । ଏକଦା ଅପହଂଚ ଓ ଅପପୃଷ୍ଟିର ଇଲାକା ଭାବେ ପରିଚିତ ଯାଜପୁର ସୁକିନ୍ଦା ବ୍ଲକ ନଗଡାରେ ଦେଖିବାକୁ ମିଳିଛି ଏଭଳି ଘଟଣା । ନଗଡାକୁ ଯାଇ କରୋନା ସଂପର୍କିତ ତଥ୍ୟ ସଂଗ୍ରହ କରିବା ସମୟରେ ନଗଡ଼ାବାସୀ ଏଭଳି ପ୍ରତିକ୍ରିୟା ଦେଇଛନ୍ତି । ଆଉ ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ଗାଁକୁ ନଯାଇ ରାସ୍ତା ଉପରୁ ସର୍ଭେ ଓ ସଚେତନ କରି ଫେରି ଆସୁଥିବା ଅଭିଯୋଗ ମଧ୍ୟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସ୍ଥଳଭାଗରୁ ଏଗାର ହଜାର ଫୁଟ ଉପରେ ଥିବା ଅପହଂଚ ଇଲାକା ତଳ ନଗଡାରେ ଏବେ ଗୋଟିଏ ସ୍ଥାନରେ ରୁଣ୍ଡ ହେଉଛନ୍ତି ଏକାଧିକ ଲୋକ । କାହାରି ମୁହଁରେ ମାସ୍କ ନାହିଁ କି, ଲୋକଙ୍କ ମଧ୍ୟରେ ସାମାଜିକ ଦୂରତା ନାହିଁ । କାରଣ ଏମାନେ କରୋନା ଏବଂ ଏହାର ଭୟାବହତା ବାବଦରେ ବିଲକୁଲ ଜାଣିନାହାନ୍ତି । କରୋନା ବାବଦରେ ପଚାରିଲେ ସେମାନଙ୍କ ଉତ୍ତର ଆପଣଙ୍କୁ ଆଶ୍ଚର୍ଯ୍ୟ କରିବ, ସେମାନେ ପାହାଡ଼ି ଇଲାକାର ଜନଜାତି । ତାଙ୍କ ସୁରକ୍ଷା ପାଇଁ ଠାକୁରାଣୀ ଅଛନ୍ତି । ତେଣୁ କିଛି ହେବ ନାହିଁ । ବର୍ତ୍ତମାନ ସମୟରେ ସଚେତନତା ଅଭାବ ଯୋଗୁୁ ନଗଡାର ଲୋକେ ମହାମାରୀ କରୋନାକୁ ନେଇ ବିଲକୁଲ୍ ସଚେତନ ନଥିବା ଭଳି ମନେ ହେଉଛି ।