ଚାକିରି ନାଁରେ ଠକେଇ, ଅଭିଯୁକ୍ତ ଗିରଫ
ଝାରସୁଗୁଡ଼ା: ଚାକିରି କରାଇ ଦେବାକୁ କହି ବିଭିନ୍ନ ସ୍ଥାନରେ ବାରମ୍ବାର ନିରୀହ ଯୁବକମାନେ ଠକେଇର ଶିକାର ହେଉଛନ୍ତି। ବ୍ରଜରାଜନଗର ଅଞ୍ଚଳର ଜଣେ ଯୁବକ ନାରାୟଣ ରୋହିଦାସଙ୍କୁ ରେଲେଓ୍ଵ ବିଭାଗରେ ଝଣ୍ଡା ଧରା କାମ କରାଇ ଦେବାକୁ କହି ବେହେରାମାଲ ଅଞ୍ଚଳର କୈଳାସଚନ୍ଦ୍ର ମେହେର ୪ ହଜାର ଟଙ୍କା ଠକିଥିବା ଅଭିଯୋଗ ହୋଇଛି। ଜିଆର୍ପି ପକ୍ଷରୁ ଅଭିଯୁକ୍ତକୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରାଯାଇଛି।