ଇବଥର୍ମାଲ: ଝାରସୁଗୁଡା ଜିଲ୍ଲା ବନହରପାଲି ଥାନା ବନ୍ଧବାହାଲ ଫାଣ୍ଡି ନାକତଳେ ଥିବା ବନ୍ଧବାହାଲ ବିଦ୍ୟୁତ୍ ସବଷ୍ଟେସନରୁ ଶନିବାର ବିଳମ୍ବିତ ରାତିରେ ବନ୍ଧୁକ ମୁନରେ ବଡ଼ ଧରଣର ଲୁଟ୍ ହୋଇଛି। ଲୁଟ ସାମଗ୍ରୀ ମଧ୍ୟରେ ରହିଛି ୫୦ କେଭି ଟ୍ରାନସଫରମରରୁ ୮୦ରୁ ୧ କ୍ବିଣ୍ଟାଲ୍ ତମ୍ବା କଏଲ୍ ତାର। ଏହାର ଆନୁମାନିକ ମୂଲ୍ୟ ୭୦ ହଜାର ହେବ ବୋଲି ଆକଳନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହାଛଡ଼ା ଜଣେ କର୍ମଚାରୀଙ୍କ ମୋଟର ସାଇକେଲ, ୧୧ ଟା ମୋବାଇଲ, କଲେକସନ ହୋଇଥିବା ୭ ହଜାର ଟଂକା , ବ୍ୟବହୃତ ୫ଟା ଟର୍ଚ ଲାଇଟ ଡିଙ୍ଗ ମେସିନ୍ , କଟର ମେସିନ୍ ,ଏକ ଏମ୍ଲିଫାଏର୍ ଲୁଟି ନେଇଥିବା କୁହାଯାଇଛି। ରାତିରେ ସବଷ୍ଟେସନରେ ଡ୍ୟୁଟି କରୁଥିବା ଜ୍ୟୋତିରଞ୍ଜନ ପ୍ରହରାଜ, ଚିତ୍ତରଞ୍ଜନ ସାହୁ , ପ୍ରିୟରଞ୍ଜନ ମଲ୍ଲିକ ଓ ଶୁଭମ ସାଗର ପ୍ରଧାନଙ୍କ କହିବା କଥା ଯେ ଦୁର୍ବୃତ୍ତ ରାତି ପ୍ରାୟ ୧୨ଟା ୩୦ରେ ଗେଟ ଓ ପାଚେରି ଡେଇଁ ଆସିଥିଲେ।
ସେମାନଙ୍କ ହାତରେ ବନ୍ଧୁକ ସହ ଛୁରି ରଡ ଭଳି ମାରଣାସ୍ତ୍ର ଆଦି ଥିଲା। ସମସ୍ତେ ମୁହଁ ଢାଙ୍କି ଥିଲେ । ଆସୁଆସୁ ଡ୍ୟୁଟିରେ ଥିବା ଚାରିଜଣକୁ ନିସ୍ତୁକ ମାଡ଼ମାରି ଗୋଟିଏ ରୁମ ଭିତରେ ବନ୍ଦ କରିଥିଲେ। ବନ୍ଧୁକ ପଛପଟେ ଜ୍ୟୋତିରଞ୍ଜନଙ୍କ ମୁଣ୍ଡରେ ବାଡେଇବାରୁ ମୁଣ୍ଡ ଫାଟି ଯାଇଛି। ପ୍ରାୟ ୨ ଘଣ୍ଟା ତାଣ୍ଡବ ରଚେଇ ସେମାନେ ଜିନିଷ ଲୁଟକରି ଫେରାର ହୋଇ ଯାଇଥିଲେ। ସମସ୍ତେ ପ୍ରାୟତଃ ଓଡ଼ିଆରେ କଥାବାର୍ତ୍ତା କରୁଥିବାର କୁହାଯାଇଛି। ବନହରପାଲି ପୁଲିସ ଘଟଣାର ଖବର ପାଇବା ପରେ ତନାଘନା ଆରମ୍ଭ କରିଛି ।