ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗ : ବ୍ରଜରାଜନଗର ପୌରସଂସ୍ଥା କାର୍ଯ୍ୟନିର୍ବାହୀ ଅଧିକାରୀଙ୍କ ଘରେ ଭିଜିଲାନ୍ସ ଚଢଉ
ବ୍ରଜରାଜନଗର : ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ପୌରସଂସ୍ଥା କାର୍ଯ୍ୟନିର୍ବାହୀ ଅଧିକାରୀ ଦିଲୀପ ପଟେଲଙ୍କ ଘରେ ଆଜି ଭିଜିଲାନ୍ସ ଚଢଉ ହୋଇଛି । ଏକ ସମୟରେ ୬ଟି ସ୍ଥାନରେ ଏହି ଚଢଉ କରାଯାଇଛି । ଚଢଉ କରାଯାଇଥିବା ସ୍ଥାନ ମଧ୍ୟରେ ରହିଛି ତାଙ୍କର ସରକାରୀ କ୍ୱାଟର୍ସ, ଅଫିସ, ବେଲମୁୁଣ୍ଡା ପୈତୃକ ଘର,ଶ୍ୱଶୂର ଘର ।
Sambad is now on WhatsApp
Join and get latest news updates delivered to you via WhatsApp
ସମ୍ବଲପୁର ଭିଜିଲାନ୍ସ କୋର୍ଟର ସ୍ୱତନ୍ତ୍ର ଜଜଙ୍କ ସର୍ଚ୍ଚ ୱାରେଣ୍ଟ ଏବଂ ଭିଜିଲାନ୍ସ ଏସ ପିଙ୍କ ନିର୍ଦେଶ କ୍ରମେ ଏହି ଚଢ଼ାଉ ଚାଲିଛି। ଭିଜିଲାନ୍ସ ବିଭାଗର ଜଣେ ଅଧିକାରୀ ସୂଚନା ଦେଇଛନ୍ତି ଯେ , ବ୍ରଜରାଜନଗର ମୁନିସିପାଳିଟି କଲୋନୀ ରେ ଥିବା ତାଙ୍କ ସରକାରୀ ଘର, ଅଫିସ, ପୈତୃକ ଘର ସୁନ୍ଦରଗଡ ଜିଲ୍ଲା ବେଲମୁଣ୍ଡା ଓ ନିଜ ଗାଁ କାଳୁଵାହାଲ ଘରେ ଏକାସାଙ୍ଗରେ ଚଢ଼ାଉ ଚାଲିଛି। ଏଥିରେ ସୁନ୍ଦରଗଡ, ସମ୍ବଲପୁର, ବଲାଙ୍ଗୀର, ବରଗଡ଼ ଓ ଝରସୁଗୁଡ଼ାର ଭିଜିଲାନ୍ସ ଅଧିକାରୀ ଓ କର୍ମଚାରୀ ସାମିଲ ଅଛନ୍ତି। ତାଙ୍କ ସମ୍ପତ୍ତି, ବିଭିନ୍ନ କାଗଜପତ୍ର ଓ ନଗଦ ଯାଞ୍ଚ କରା ଯାଉଥିବା ବେଳେ ପରେ ସବିଶେଷ ତଥ୍ୟ ଜଣ ପଡିବ ବୋଲି ଅଧିକାରୀ ଜଣକ ସୂଚନା ଦେଇଛନ୍ତି।