ଲାକଡାଉନ୍ ଆଇନ୍ କୁ ଉଲ୍ଲଂଘନ କରି ୫ ଗିରଫ 

ଭବାନୀପାଟଣା (ଇମିସ): କଳାହାଣ୍ଡି ଜିଲ୍ଲାରେ ଲକଡାଉନ୍ ନିୟମ କୁ ଉଲ୍ଲଂଘନ କରୁଥିବା ବେଳେ ବାହାରେ ଟହଲ ମାରି ୫ଜଣ ଯୁବକ ଗିରଫ ହେବା ଘଟଣା ଏଠାରେ ଚର୍ଚ୍ଚା ର ବିଷୟ ହୋଇଛି । ପ୍ରାପ୍ତ ସୂଚନା ରୁ ପ୍ରକାଶ ଯେ ଭବାନୀପାଟଣା ସହରରେ ଲାକଡାଉନ ନିୟମ କୁ ଉଲ୍ଲଂଘନ କରି ସାମାଜିକ ଦୂରତ୍ୱ କୁ ଖୋଲାଖୋଲି ଅବମାନନା କରୁଥିବା ଦେଖିବାକୁ ମିଳିଛି । ଗତକାଲି ସନ୍ଧ୍ୟାରେ ଭବାନୀପାଟଣା ଟାଉନ ଥାନା ପୋଲିସ ପକ୍ଷର ଅର୍କବାହାଲି ପଡା ଛକରେ ଟହଲ ମାରୁଥିବା ବେଳେ ପୋଲିସ ପକ୍ଷରୁ ଅର୍କାବାହାଲି ପଡା ର ନିରଞ୍ଜନ ମହାନନ୍ଦ ,ବାହାଦୁରବଗିଚା ପଡ଼ା ର ରମେଶ ସୁନାନୀ, ଦୟାନିଧି ଛକର ସନାତନ ସୁନାନୀ,ବାହାଦୂରବଗିଚା ପଡ଼ାର ଦିଲ୍ଲୀପ ନାଏକ ଓ ଅମିତ ଚୌଧୁରୀ ଙ୍କ ସମେତ ୫ଜଣଙ୍କୁ ପୋଲିସ ଗିରଫ କରିଥିଲା । ଜିଲ୍ଲାରେ ସାମାଜିକ ଦୂରତ୍ୱ କୁ ବହୁ ସ୍ଥାନରେ ଅତ୍ୟାବଶ୍ୟକ ସାମଗ୍ରୀ ଦୋକାନ ମାନଙ୍କରେ ଖୋଲାଖୋଲି ଉଲ୍ଲଂଘନ କରୁଥିବା ନେଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କଳାହାଣ୍ଡି ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।

କଳାହାଣ୍ଡି ଜିଲ୍ଲାରେ ପ୍ରଥମ ପଜେଟିଭ ଚିହ୍ନଟ ହେବାପରେ ସବୁଆଡ଼େ ଆଲୋଡ଼ନ ସୃଷ୍ଟି ହୋଇଛି । କୋଭିଡ ରୋଗୀଙ୍କୁ କଟକ ଅଶ୍ୱିନୀ ହସ୍ପିଟାଲ ନେବାପାଇଁ  ଭବାନୀପାଟଣା ସହରର ଘୋଡାଘାଟ ଛକ ନିକଟ ମାଣିକେଶ୍ୱରୀ ସୁପର ସ୍ପେସିଆଲିଟି ହସ୍ପିଟାଲର ଆମ୍ବୁଲାନ୍ସ ଛାଡିବାକୁ ଯାଇଥିଲା । ଭବାନୀପାଟଣା ସଦର ମୁଖ୍ୟ ଡାକ୍ତରଖାନାର ଜଣେ ଡ୍ରାଇଭର ଓ ମାଣିକେଶ୍ୱରୀ ହସ୍ପିଟାଲର ଆମ୍ବୁଲାନ୍ସ ଡ୍ରାଇଭର ରୋଗୀ ଙ୍କୁ ଗତକାଲି ରାତିରେ କଟକ ରେ ଛାଡି ଆଜି ସକାଳେ ଭବାନୀପାଟଣା ଫେରିଥିଲେ । ରୋଗୀଙ୍କୁ କଟକ ରେ ଛାଡିବା ପରେ ଆମ୍ବୁଲାନ୍ସ କୁ ସେଠାରେ ସାନିଟାଇଜ କରାଯାଇନଥିଲା । ଆଜି ସକାଳେ ଭବାନୀପାଟଣା ଆସିବା ପରେ ସଦର ମୁଖ୍ୟ ଡାକ୍ତରଖାନା କୁ ନେଇ ଆମ୍ବୁଲାନ୍ସ କୁ ସାନିଟାଇଜ କରାଯାଇଥିଲା । ଉଭୟ ଡ୍ରାଇଭର ଙ୍କୁ କୌଣସି କ୍ୱାରେଣ୍ଟାଇନ ରେ ରଖାଯାଇନଥିଲା । ଆଜି ମାଣିକେଶ୍ୱରୀ ହସ୍ପିଟାଲ ର ଆମ୍ବୁଲାନ୍ସ ଡ୍ରାଇଭର ନିଜ ଗାଁ ଦେପୁର କୁ ଯିବାପରେ ଗ୍ରାମବାସୀ ତାଙ୍କୁ ଗାଁ ରେ ପଶିବାକୁ ଦେଇନଥିଲେ । ସେଠାରୁ ପୁଣି ହସ୍ପିଟାଲ କୁ ଫେରି ଆସିଥିଲେ । ମାଣିକେଶ୍ୱରୀ ହସ୍ପିଟାଲ କର୍ତ୍ତୃପକ୍ଷ ମଧ୍ୟ ତାଙ୍କୁ ହସ୍ପିଟାଲରେ ରହିବାକୁ ଦେଇନଥିଲେ ।  ଆଜି ସକାଳୁ ସମ୍ପୃକ୍ତ ଡ୍ରାଇଭର ଜଣକ ଆମ୍ବୁଲାନ୍ସ ରେ ଦିନ ବିତାଉଛନ୍ତି । ଏନେଇ ମାଣିକେଶ୍ୱରୀ ହସ୍ପିଟାଲ କର୍ତ୍ତୃପକ୍ଷ ଙ୍କ ପକ୍ଷରୁ ଜିଲ୍ଲା ସ୍ୱାସ୍ଥ୍ୟ ବିଭାଗ କୁ ଅବଗତ କରିଥିଲେ ମଧ୍ୟ କୌଣସି ପଦକ୍ଷେପ ନେଇ ନଥିବା ନେଇ ସାଧାରଣରେ ଉଦବେଗ ପ୍ରକାଶ ପାଇଛି । ଏହି ଘଟଣାରେ ଜିଲ୍ଲା ପ୍ରଶାସନ ତୁରନ୍ତ ହସ୍ତକ୍ଷେପ କରିବାକୁ ସାଧାରଣ ରେ ଦାବି ହୋଇଛି ।