ଜୁନାଗଡ଼-କଲମପୁର ମୁଖ୍ୟ ରାସ୍ତାରେ ଅଟୋକୁ ପିଟିଲା ଟ୍ରକ୍: ୩ ମୃତ, ଚାଳକ ସମେତ ୬ ଗୁରୁତର

ଚିଲିଗୁଡା: ଜୁନାଗଡ଼ ବ୍ଲକ ଅନ୍ତର୍ଗତ ଜୁନାଗଡ଼-କଲମପୁର ମୁଖ୍ୟ ରାସ୍ତା ଦାସୀ ଗାଁ ନିକଟସ୍ଥ ଚିକିଲି ଛକରେ ଭୟାନକ ଦୁର୍ଘଟଣା। ଅଟୋକୁ ପିଟିଲା ଟ୍ରକ୍। ଏଥିରେ ତିନିଜଣଙ୍କର ପ୍ରାଣହାନି ଘଟିଥିବା ବେଳେ ଡ୍ରାଇଭର ସହ ୬ ଗୁରୁତର ଅଛନ୍ତି। ସମସ୍ତ ଗୁରୁତର ଆହତ ବ୍ୟକ୍ତିଙ୍କୁ ନିକଟସ୍ଥ କଲମପୁର ଡାକ୍ତରଖାନାରେ ଭର୍ତ୍ତି କରାଯାଇଛି।

ପ୍ରକାଶ ଥାଉକି ଥୁଅ।ମୂଳ ରାମପୁର ବ୍ଲକର ଲୋକେ ଅଟୋ ଯୋଗେ ଜୁନାଗଡ଼କୁ ଆସୁଥିଲେ। ହେଲେ ସେମାନେ ଚିକିଲି ଛକରେ ଦୁର୍ଘଟଣାର ଶିକାର ହେଲେ। ଚିଲିଗୁଡା ଫାଣ୍ଡି ଅଧିକାରୀ ସୁବୋଧ କୁମାର ଫୁଲ ଘଟଣାସ୍ଥଳରେ ପହଞ୍ଚି ଗୁରୁତରଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ପଠାଇଥିଲେ। ବର୍ତ୍ତମାନ କିଛି ଗୁରୁତରଙ୍କୁ କଲମପୁର ଡାକ୍ତରଖାନାରୁ ଅନ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣା ପଡ଼ିଛି। ଆଜି ସକାଳ ନଅଟା ସମୟରେ ଏହି ଦୁର୍ଘଟଣା ଘଟିଛି। ତେବେ ଚିକିତ୍ସାଧୀନ ଅବସ୍ଥାରେ ୩ଜଣଙ୍କ ମୃତ୍ୟୁ ଘଟିଥିବା ଜଣାଯାଇଛି।