କରୋନା ଚିହ୍ନଟ ହେବା ପରେ ସାହିରେ ସିମେଣ୍ଟ ପାଚେରୀ କରି ସିଲ କରିଦେଲେ ଲୋକ
ଭବାନୀପାଟଣା : କଳାହାଣ୍ଡି ଜିଲ୍ଲାର ଭବାନୀପାଟଣା ସହରର ୱାର୍ଡ଼ ନଂ୧୮ ହଲିଆପଡା ରେ ଗତ କିଛି ଦିନ ତଳେ କରୋନା ରୋଗୀ ପଜିଟିଭ ଚିହ୍ନଟ ଜଣା ପଡ଼ିଥିଲା । ଜିଲ୍ଲା ପ୍ରଶାସନ ପକ୍ଷରୁ ଭବାନୀପାଟଣା ସହର ସମେତ ହଲିଆ ପଡାକୁ ମଧ୍ୟ ସଟ୍ ଡାଉନ୍ ଘୋଷଣା କରାଯାଇ ପଡାକୁ ସିଲ୍ କରାଯାଇଥିଲା l ଏହା ପରେ ସଟ୍ ଡାଉନ୍ ହଟା ଯାଇଥିଲା l
Sambad is now on WhatsApp
Join and get latest news updates delivered to you via WhatsApp
କିନ୍ତୁ କରୋନା ମହାମାରୀ ଯୋଗୁଁ ଏହି ପଡାରେ ରାମାୟଣ ଯୁଗର ଲକ୍ଷ୍ମଣ ରେଖା ଭଳି ପଡାରେ ସବୁ ଦିନ ପାଇଁ ପାଚେରୀ ଛିଡ଼ା କରାଯାଇଛି । ପଡା ରେ ଦୁଇଟି ରାସ୍ତା ବା ଛୋଟ ଗଳି ରହିଛି l ଏହି ଛୋଟ ଗଳି ପଡାର ଦୁଇଟି ମୁଖ୍ୟ ରାସ୍ତାକୁ ଯିବା ପାଇଁ ସଂଯୋଗ ରହିଛି l ସଟ୍ ଡାଉନ୍ ଘଟଣାର ଗୋଟିଏ ଦିନ ପରେ ପଡାର ଅନ୍ୟ ଗଳିର କିଛି ଲୋକ ମାନେ ଏହି ମୁଖ୍ୟ ରାସ୍ତାକୁ ଆସି ସବୁ ଦିନ ପାଇଁ ଇଟା ସିମେଣ୍ଟ ପାଚେରୀ ନିର୍ମାଣ କରି ବନ୍ଦ୍ କରି ଦେଇଛନ୍ତି l
ସ୍ଥାନୀୟ କିଛି ଲୋକ ପ୍ରତିବାଦ୍ କରି ଥିଲେ ମଧ୍ୟ ପାଚେରୀ ନିର୍ମାଣ ସମୟରେ କାର୍ଯ୍ୟ ବନ୍ଦ କରିନଥିଲେ l ବର୍ତ୍ତମାନ୍ ଏହି ପଡାରେ ଗୋଟିଏ ଗଳିର ଲୋକ ଅନ୍ୟ ଗଳି ପଡାକୁ ଯିବା ପାଇଁ ଅସୁବିଧା ଅନୁଭବ କରୁଛନ୍ତି l ତେଣୁ ତୁରନ୍ତ ଏହି ପାଚେରି ଖୋଲିବା ପାଇଁ ପଡ଼ାବାସୀ ପ୍ରଶାସନକୁ ଅନୁରୋଧ କରିଛନ୍ତି । ଜିଲ୍ଲାପାଳ ତୁରନ୍ତ ଦୃଷ୍ଟି ଦେବାକୁ ସାଧାରଣ ରେ ଦାବୀ ହୋଇଛି ।