ଟ୍ରାକ୍ଟରରୁ ପଡ଼ି ଶ୍ରମିକଙ୍କ ମୃତ୍ୟୁ

କୋକସରା:  ଟ୍ରାକ୍ଟର ପଛପଟୁ ଡାଲାରୁ ଖସି ପଡ଼ି ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଚିତାମୁଣ୍ଡା ସ୍କୁଲ ବୁଲାଣି ନିକଟରେ ଟ୍ରାକ୍ଟରରୁ ପଡ଼ି ଜଣେ ଶ୍ରମିକଙ୍କ ମୃତ୍ୟୁ ପରେ ଖବର ପାଇ କୋକସରା ପୁଲିସ ଗତକାଲି ରାତିରେ ପହଞ୍ଚି ଶବ ଜବତ କରି କୋକସରା ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇଥିଲା।

ଏଥିସହ ଟ୍ରାକ୍ଟର ( ଓଡି୦୮ଡି ୧୬୧୧)କୁ ମଧ୍ୟ ଜବତ କରି ଥାନାରେ ଅଟକ ରଖିଛି ପୁଲିସ। ପୁଲିସ ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି। ମୃତ ଶ୍ରମିକ ହେଲେ କୋକସରା ବ୍ଲକ ମୁଣ୍ଡରା ବାହିଲି ଗ୍ରାମର ଦୈତାରି ହଂସ। ସେମାନେ ଡାଲଗୁମା ଗ୍ରାମରୁ ମୁଣ୍ଡରା ବାହେଲି ଗାଁକୁ ଫେରୁଥିବା ସମୟରେ ଟ୍ରାକ୍ଟରରୁ ପଡ଼ି ଶ୍ରମିକଙ୍କ ମୃତ୍ୟୁ ହୋଇଥିଲା।