ବରଗଛରୁ ଯୁବକଙ୍କ ଝୁଲାନ୍ତା ଶବ ଉଦ୍ଧାର

ପ୍ରେମଜନିତ ସମ୍ପର୍କରୁ ଆତ୍ମହତ୍ୟା ସନ୍ଦେହ

0

ଜୟପାଟଣା/କୋକସରା: ଜୟପାଟଣା ଥାନା ଅନ୍ତର୍ଗତ ସର୍ଗିଗୁଡା ଗାଁ ମଝିରେ ଥିବା ଏକ ବରଗଛରୁ ଜଣେ ଯୁବକଙ୍କ ଝୁଲାନ୍ତ ଶବ ଜୟପାଟଣା ପୁଲିସ ସୋମବାର ଉଦ୍ଧାର କରିଛି। ମୃତ ଯୁବକ ଜଣକ କୋକସରା ଥାନା ଅନ୍ତର୍ଗତ ମୂଷାପାଲି ଗ୍ରାମର ଘେନୁ ମାଝୀଙ୍କ ପୁଅ ତ୍ରିଲୋଚନ (୨୨) ବୋଲି ଜଣାପଡିଛି। ପୁଲିସ ଶବ ଜବତ କରି ବ୍ୟବଚ୍ଛେଦ ପରି ପରିବାର ଲୋକକୁ ହସ୍ତାନ୍ତର କରିଛି। ଏନେଇ ଜୟପାଟଣା ଥାନାରେ ଏକ ଅପମୃତ୍ୟୁ ମୁଜୁ ହୋଇଛି।
ପୁଲିସ ସୂତ୍ରରୁ ପ୍ରକାଶ ଯେ, ସର୍ଗିଗୁଡା ଗ୍ରାମର କିଛି ଲୋକ ସୋମବାର ଭୋର ସମୟରେ ଶୌଚ ପାଇଁ ଯାଇଥିବା‌ ବେଳେ ଗାଁରେ ଥିବା ବରଗଛରେ ଶବ ଝୁଲୁଥିବା ଦେଖି ପୁଲିସକୁ ଖବର ଦେଇଥିଲେ। ତ୍ରିଲୋଚନର ବାପା ତଥା ଅନ୍ୟମାନେ ଘଟଣାସ୍ଥଳରେ ପହଞ୍ଚି ଶବ ଚିହ୍ନଟ କରିଥିଲେ। ତ୍ରିଲୋଚନଙ୍କ ବାପାଙ୍କ ଅଭିଯୋଗ ରବିବାର ଅପରାହ୍ନ ଟା ସମୟରେ କେହି ଜଣେ ପୁଅକୁ ଫୋନ କରିବାରୁ ସେ ଘରୁ ବାହାରି ଯାଇ ଆଉ ଫେରି ନଥିଲା। ତେବେ ତ୍ରିଲୋଚନ କେଉଁ ପରିସ୍ଥିତିରେ ସର୍ଗିଗୁଡା ପହଞ୍ଚି କାହିଁକି ଆତ୍ମହତ୍ୟା କରିଛି ସେ ନେଇ କାରଣ ଅସ୍ପଷ୍ଟ ଥିଲେ ମଧୢ ପ୍ରେମ ସମ୍ପର୍କ ଯୋଗୁଁ ସେ ଆତ୍ମହତ୍ୟା କରିଥା‌ଇ ପାରେ ବୋଲି ପୁଲିସ ପ୍ରାଥମିକ ତଦନ୍ତରୁ ସନ୍ଦେହ କରୁଛି। ଘଟଣାର ତଦନ୍ତ ଜାରି ରହିଥିବା ଜୟପାଟଣା ଥାନା ଅଧିକାରୀ ସୁଶାନ୍ତ ସାହୁ ସୂଚନା ଦେଇଛନ୍ତି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Leave A Reply

Your email address will not be published.