ଫୁଲବାଣୀ(ବୋୖଦ୍ଧାୟନ ଆଚାର୍ଯ୍ୟ): ନୂଆବର୍ଷ ଓ ପିକନିକ ଋତୁରେ ଫୁଲବାଣୀ ଯଦି ଯାଉଛନ୍ତି ତେବେ କେବଳ ଦାରିଙ୍ଗବାଡିର ସୌନ୍ଦର୍ଯ୍ୟ ଉପଭୋଗ କରନ୍ତୁ ନାହିଁ | ବରଂ ଏମିତି ଏକ ଅଦ୍ଭୁତ କୂଅକୁ ବି ଦେଖିଆସନ୍ତୁ, ଯାହାକି ଆପଣଙ୍କୁ ପୁରୁଣା ଜ୍ଞାନକୌଶଳ ବାବଦରେ ଥରେ ଭାବିବାକୁ ବାଧ୍ୟ କରିବ | ସମୁଦ୍ର ପତ୍ତନରୁ ଦୁଇ ହଜାର ଫୁଟ ଉପରେ ରହିଛି କନ୍ଧମାଳ ଜିଲ୍ଲା | ଆଉ ଜିଲ୍ଲାକୁ ଯିବାକୁ ହେଲେ ରାଣୀପଥର ଘାଟି ଦେଇ ଯିବାକୁ ହୁଏ | ତେବେ ଏହି ପାହାଡ଼ରେ ରହିଛି ଏମିତି ଏକ କୂଅ ଯାହାକୁ ଖୋଦ ବୌଦ୍ଧ ରାଜା ନିର୍ମାଣ କରାଇଥିଲେ | ଆଉ ଶହ ଶହ ବର୍ଷ ପରେ ବି ଆଜି ମଧ୍ୟ ହାତ ପାଆନ୍ତାରେ ଏଠାରେ ପାଣି ମିଳିଥାଏ |
Sambad is now on WhatsApp
Join and get latest news updates delivered to you via WhatsApp
ଏହି କୂଅଟିର ନିର୍ମାଣ କେବେ ହୋଇଥିଲା ତାହାର କୌଣସି ତଥ୍ୟ ନାହିଁ ସତ କିନ୍ତୁ ରାଜାଙ୍କ ଏହି ନିଆରା ଟେକନିକ ବାବଦରେ ମନେପଡେ | ପୂର୍ବରୁ କୌଣସି ରାସ୍ତାଘାଟ ନଥିବାବେଳେ ପଥଚାରୀଙ୍କୁ ପାଣି ଠୋପେ ଯୋଗାଇଦେବା ପାଇଁ ଏହି କୂଅ ନିର୍ମାଣ କରାଯାଇଥିବାର ଅନୁମାନ କରାଯାଏ | ସ୍ଥାନୀୟ ବାସିନ୍ଦାଙ୍କ କହିବା ମୁତାବକ ଶୀତ-ବର୍ଷା ବା ଖରାଦିନରେ ଅନ୍ୟ କୂଅମାନଙ୍କର ପାଣି ଶୁଖିଯାଉଥିବାବେଳେ ପାହାଡ ଉପରେ ଏହି କୂଅ ଥିଲେ ମଧ୍ୟ ହାତ ପାଆନ୍ତାରେ ସବୁବେଳେ ପାଣି ମିଳିଥାଏ |
ବଡ କଥା ଯେ ଆଧୁନିକ ବିଜ୍ଞାନର ବିଭିନ୍ନ ପ୍ରକ୍ରିୟା ପରେ ବି କିଛି ସ୍ଥାନରୁ ମାଟିତଳୁ ପାଣି ମିଳିବା କାଠିକର ପାଠ ହୋଇଥିବାବେଳେ ଏବେକାର ଭୂତତ୍ୱ ବିଜ୍ଞାନୀମାନେ ମଧ୍ୟ ଏକଥାକୁ ସ୍ୱୀକାର କରୁଛନ୍ତି | ଆଉ ମାଟି ତଳର ପାଣି ଉତ୍ସ କିଭଳି ସେମିତି ରହୁଛି ତାହାକୁ ନେଇ ମଧ୍ୟ ସମସ୍ତେ ଆଶ୍ଚର୍ଯ୍ୟ ହୁଅନ୍ତି | ରାଜାରାଜୁଡ଼ା ଶାସନ ନାହିଁ , କିନ୍ତୁ ସେହି ସନ୍ତକ ସେମିତି ଅଛି | ଆଉ ପାଣି ଛଳଛଳ କୂଅ ମନେ ପକାଇଦେଉଛି ଆମ ପାରମ୍ପରିକ ପ୍ରଯୁକ୍ତିବିଦ୍ୟା କେତେ ଓଜନଦାର ଥିଲା |