ଲୁହା ରଡରେ ପିଟି ହତ୍ୟା,୨ ଅଭିଯୁକ୍ତ ଅଟକ
ଫୁଲବାଣୀ :କନ୍ଧମାଳ ଜିଲ୍ଲା ଟିକାବାଲି ଥାନା କୋଚିଲାଗଡ ଗାଁରେ ଜଣଙ୍କୁ ପୂର୍ବ ବିବାଦରୁ ଲୁହା ରଡରେ ପିଟିପିଟି ହତ୍ୟା କରାଯାଇଛି। ପୁଲିସ ଏହି ଘଟଣାରେ ୨ ଅଭିଯୁକ୍ତଙ୍କୁ ଥାନାକୁ ଆଣି ଅଟକ ରଖିଛି। ଅଜିତ ବିଶୋଇ ଗତକାଲି ସଂଧ୍ୟାରେ ଘର ବାରଣ୍ଡାରେ ବସିଥିଲେ। ବାବୁଲା ବିଶୋଇ ଓ ଚିତ୍ତରଂଜନ ବିଶୋଇ ଲୂହା ରଡ ଆଣି ଅଜିତଙ୍କୁ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ଅଜିତଙ୍କୁ ଟିକାବାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଏ ନେଇ ମାମଲା ରୁଜୁ କରିବା ସହ ଅଭିଯୁକ୍ତ ବାବୁଲା ଓ ଚିତ୍ତରଂଜନଙ୍କୁ ଥାନାକୁ ଆଣି ଅଟକ ରଖି ପଚରାଉଚୁରା ଚଳାଇଥିବା ଜଣା ପଡିଛି।