ମହାକାଳପଡ଼ା : ମାନସିକ ଭିନ୍ନକ୍ଷମ ଶାଶୂଙ୍କ ଉପରେ ବୋହୂ ଗରମ ପାଣି ଫିଙ୍ଗିବା ଭଳି ଅଭାବନୀୟ ଘଟଣା ଘଟିଛି ମହାକାଳପଡ଼ା ବ୍ଲକ ରାଜଗଡ଼ ଗ୍ରାମରେ। ଶାଶୂଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଏ ନେଇ ଥାନାରେ ଏତଲା ଦିଆଯାଇଛି।ଘଟଣାରୁ ପ୍ରକାଶ ଯେ, ମହାକାଳପଡ଼ା ଥାନା ରାଜଗଡ଼ ଗ୍ରାମର ବିଦ୍ୟାଧର ସ୍ୱାଇଁଙ୍କ ପତ୍ନୀ କଲ୍ୟାଣୀ (୫୯)୧୦ବର୍ଷ ହେଲା ମାନସିକ ବିକାରଗ୍ରସ୍ତ। ବିଦ୍ୟାଧରଙ୍କ ସମେତ ଦୁଇ ପୁଅ ଓ ବଡ଼ ବୋହୂ ଗୁଜୁରାଟରେ ରହି ସୂତାକଳରେ କାମ କରୁଛନ୍ତି। ଗ୍ରାମରେ ସାନ ବୋହୂ ପିଙ୍କି ଶାଶୂଙ୍କ ସହ ରୁହନ୍ତି। ଅଭିଯୋଗରେ ଦର୍ଶାଯାଇଛି ଯେ, ପିଙ୍କି ଶାଶୂଙ୍କୁ ବିଭିନ୍ନ ସମୟରେ ହଇରାଣ ହରକତ କରିବା ସହିତ ଖାଇବାପିଇବାକୁ ଦିଅନ୍ତି ନାହିଁ । ଫଳରେ ବିଦ୍ୟାଧରଙ୍କ ବଡ଼ଭାଇ ସାଧୁଙ୍କ ପରିବାର ସଦସ୍ୟ କଲ୍ୟାଣୀଙ୍କ ଭଲମନ୍ଦ ବୁଝିଥାନ୍ତି।
Sambad is now on WhatsApp
Join and get latest news updates delivered to you via WhatsApp
ଗତ ୧୪ ତାରିଖ ଦିନ ଶାଶୂଙ୍କ ଉପରେ କୌଣସି କାରଣରୁ ରାଗି ଯାଇ ପିଙ୍କି ଗରମ ପାଣି ପକାଇ ଦେଇଥିଲେ । କଲ୍ୟାଣୀଙ୍କ ବାମ ପାର୍ଶ୍ୱ ମୁହଁ, କାନ୍ଧ, ପିଠି ଓ ହାତ ସିଝି ଯାଇ ଚମଡ଼ା ଉଠିଯାଇଛି । ବିଦ୍ୟାଧର ଘଟଣା ଘଟିବା ଦିନ ଗୁଜୁରାଟରୁ ଫେରି ଏ ସମ୍ପର୍କରେ ଜାଣିବା ପରେ ତାଙ୍କୁ ଚିକିତ୍ସା ନିମନ୍ତେ ଡ଼ାକ୍ତରଖାନାରେ ଭର୍ତ୍ତି କରିଥିଲେ । ଆଜି ବିଦ୍ୟାଧର ଏ ନେଇ ମହାକାଳପଡ଼ା ଥାନାରେ ଲିଖିତ ଏତଲା ଦେଇଛନ୍ତି।