ବ୍ରାହ୍ମଣୀ ନଈରେ ବ୍ୟକ୍ତିଙ୍କୁ କୁମ୍ଭୀର ଟାଣି ନେଇଥିବା ଆଶଙ୍କା

ପଟ୍ଟାମୁଣ୍ଡାଇ: ରବିବାର ସକାଳ ପ୍ରାୟ ୮ଟା ବେଳେ ବ୍ରାହ୍ମଣୀ ନଈରେ ଗାଧାଉଥିବା ବେଳେ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ୍‌ ଅନ୍ତର୍ଗତ ମଣ୍ଡପଡ଼ା ଗ୍ରାମର ଜଣେ ବ୍ୟକ୍ତିଙ୍କୁ କୁମ୍ଭୀର ଟାଣି ନେଇଯାଇଥିବା ଆଶଙ୍କା କରାଯାଉଛି।

ନିଖୋଜ ବ୍ୟକ୍ତିଜଣକ ହେଲେ ୪୭ ବର୍ଷିୟ ସଞ୍ଜୟ ପ୍ରଧାନ। ସେ ବ୍ରାହ୍ମଣୀ ନଈରେ ଗାଧୋଇ ଯାଇ ପାଣିରେ ଅନ୍ତର୍ଦ୍ଧାନ ହୋଇ ଯାଇଛନ୍ତି। ତାଙ୍କୁ ଗୋଟାଏ କୁମ୍ଭୀର ଟାଣି ନେଇଥିବା କେତେକ ଲୋକ କହୁଛନ୍ତି।

ପ୍ରଥମେ ଗ୍ରାମବାସୀମାନେ ନିଜ ଉଦ୍ୟମରେ ଡିଙ୍ଗି ନେଇ ସଞ୍ଜୟଙ୍କୁ ଖୋଜାଖୋଜି କରି ନିରାଶ ହେବା ପରେ ଦମକଳ ବାହିନୀକୁ ଖବର ଦେଇଥିଲେ।

ଏବେ ଦମକଳବାହିନୀ ବ୍ରହ୍ମଣୀ ନଈରେ ସଞ୍ଜୟଙ୍କୁ ଖୋଜାଖୋଜି କରୁଛି।